الاسهم

في سوق الاسهم بالاوادم مضحين
وواحد من ربعي دخل وساهم
قال ادخل وتجيك بدال الميه ميتين
قلت انا تراني ماني بفـاهــم
قال ماعليك اجيب مـسـتــشــارين
قلت خلاص انا بدخل واساهـم
دخلت وخسرت بدال الميه ميتين
وراح حلالي ومعاه الدراهم
وانا من بعد الاسهم مثل المجانين
وقمت اشحذ من نقص الدراهم
قالو ماعليك ادخل وتجيك الملايين
قلت اتركوني مابي اســاهــم
المؤمن لايلدغ من جحره مرتين
وانا بحمدالله مؤمن وفــاهــم