الشاعر // عبيد الأسعدي (( جريدة الجزيرة ))

اليوم وعبر مدارات شعبية يتجدد اللقاء مع أحد شعراء هذا الوطن المعطاء، وشاعرنا اليوم هو الشاعر المعروف عبيد بن حمود الأسعدي العتيبي جده المعروف (بريك راعي بقعاء)، اشتهر شاعرنا بالديانة والكرم والجود وهو أحد الأمراء الذين تولوا إمارة بقعاء في ذلك الزمان.. شاعر جزل واشتهر شعره بالحكمة وله العديد من مجاراة الشعراء، توفي رحمه الله عام 1339هـ ومن أبياته التي اشتهرت في أنحاء الجزيرة قوله رحمه الله:

لا والله اللي دوبحن الليالي =واقفن بشيمات العرب والمرواه

اقفن ولاخلن للأجواد تالي =إلا ذنانة واحد وين أبا القاه

داست صناديد العرب النعالي =وطتهم الدنيا والايام عدلاه
إلى أن قال:


العود يوم إنه يجيب العيالي =يبغى بتال العمر سجة وطرباه

كبر الولد دلى يلم الحلالي =طاع المرة والعود له سبع كوباه
ومن الأبيات التي اشتهرت كذلك لعبيد الحمود. قوله -رحمه الله-:

إليا بغى المسيار قلبي ونوه =الرجل تمشي لك بليا عزيمه

وان مالقيت الباب قبلي مفوه =النفس له عن طقة الباب شيمه

ياما عذلت النفس والنفس توه =عيت تطاوعني عزوم وخيمه
وله أيضاً عندما استشاره رجل يملك دلالاً هل يبيعها أم يركيها لقلة من يستعملها.. وقال هذه القصيدة.. منها:

الشور بالذمة على من شكى له =طعنى وخل هروج عوج المناقير

فنجال خطو الغشمري ينعني له =لا قلطت وقت الضحى حومة الطير

ولا قلط المصفاة فوق المليله =وغدا لها عقب اهتواشه دنانير

والبن عشة كل نادر قبيله =وترى عمود المرجلة نية الخير

وله أيضاً:



دنياك لو تعطي مواثيق وعهود =لا تامنه لو مشطت لك جعوده

لابد ماتلوي لك الصبح بجرود =خيل تقفاها وخيل تقوده
وله مجارات مع الشاعر عياد الخمعلي والقصيدة طويلة.. منها:

واللي تود ويطرب البال لاجاك =لازم ينزحه الولي عن اديارك

اللي اليا ضكك من البين ضكاك =اما عطاك الشور وإلا استشارك

واللي عما عينك وهزمه الى جاك =هذاك عده لبنة من اجدارك

ما من رحيل اليا جفيته وعاداك =اما على يمناك وإلا يسارك
ولقد مدح الكثير من الشعراء كرم وطيب عبيد الحمود ومنهم الشاعر الشمري الذي قال:

حنيت حنة ذلول فهيد =يوم أررفت من ورا القاره

لابه هجار ولابه قيد =علمي بها يوم هي ثاره

كز الركايب لقصر عبيد =اللي يهلي بخطاره

راع اللويمي هكا الصنديد =بديارنا شاعت أخباره

رحم الله الشاعر وغفر له ولجميع المسلمين.. وإلى اللقاء مع شاعر آخر بإذن الله



بدر محمد العتيبي- بقعاء

جريدة الجزيرة ــ الخميس 11 محرم 1430

bm0167@hotmail.com

صح السانه شاعر مبدع

شكرالك

صح لسانه

عبيد الاسعدي شاعر كبير



الله يعطيك الف عافيه

شكراً اخ بدر علي جهودك
رحمة الله علي
عبيد الحمود الاسعدي العتيبي
واسكنه فسيح جناته

بيض الله وجهك يابدر الاسعدي.
ولاتحرمنا ماعندك يالغالي.

رحمه الله الشاعر عبيد الحمود الاسعدي
واسكنه فسيح جناته.




تحياااتي.,

عبدالرحمن الهيلوم
أبو مصلح
بندر سعد
(ولد الهيلا)


شاكر لكم مروركم وتشرفتي ردودكم

شكراً مروركم الطيب

الله يرجمه


الف شكر على القصيدة