زارع الشوك

يالله ياللي بأسمك العبد يآمن=الطف بعبدك ياللطيف الحنونا
يامنزل السلوى ويامنزل المن=يآرب كن لي فالمهمات عونا
ثم اكفنا من شر عوجان الالسن=قومٍ بمقلاع النميمة رمونا
وياقلب هوّن لاتكدّر وتحزن=اهل النميمة والحسد مارزونا
خاب الحسود اللي يعذرب ويرطن=اعرف مداه وغرزة الدون دونا
لاتلتفت فيهم ترى الحاسد اهون=تاهوا عن دروب الوفاء واجحدونا
ياليتهم صدّوا عن دروبنا ازين=والاّ بمحمود الخصال اذكرونا
بعض العرب فالمخطية رعده يدن=وبرقه يباري ساريات المزونا
والصايبة عنها يجنب ويحرن=يشكي من اوجاع الظهر والمتونا
ان جت لوازم ربعه يحن ويون=ويقول ياكبر العسر والديونا
وزنه لياجات النوايب 100طن=إلاّ لياشاف السفر والصحونا
تشوف خفّة دمّه وضحكة السن=من قوم (قطّعلي)كبار البطونا
الجاهل اللي فالمجالس تفرعن=ودّه يحطم نايفات الحصونا
وانا اخبره مثل النعامة وأجبن=ينحاش لوترمش علاه العيونا
اليا زعل واحد بلا سبّة احسن=لازاد شيّ ولانقص مال ابونا
مااخذت من ماله كبر حبّة البن=مير الزمان وعرف مثله بلونا
ياكثر مانظلم من الناس ونظن=وياكثر ماظنّوا بنا واظلمونا
اغفر لنا ياخالق الإنس والجن=وادمح خطايانا وكثر الظنونا
القلب صاير للهواجيس موطن=متنوّعة من كل شكلٍ ولونا
اليامتى؟؟يازارع الشوك ولمن؟!=وين الزهر وين الثمر فالغصونا
لوتزرع المعروف والطيّب اثمن=الشوك مجناه القهر والغبونا

ياكثر مانظلم من النـاس ونظـن
وياكثر ماظنّـوا بنـا واظلمونـا


صح السااااااااانك يا هلال



تقبلوا خالص تحياتي
أخوكم

ياكثر مانظلم من النـاس ونظـن
وياكثر ماظنّـوا بنـا واظلمونـا


صح السااااااااانك يا هلال



تقبلوا خالص تحياتي
أخوكم

اخي معلا الأسعدي
صح قلبك ونبضك
مرورك فخر طال عمرك
مودتـــــــــــــــــي

اليامتى؟؟يازارع الشوك ولمـن؟!
وين الزهر وين الثمر فالغصونـا
لوتزرع المعروف والطيّب اثمـن
الشوك مجنـاه القهـر والغبونـا


هلال العتيبي

صح لسانك مدد بلاحد ولا عدد ..لاهنت والله يعافيك ..

سجّل اعجابي..

..

صح لسانك ياهلال





تحياتي

اليامتى؟؟يازارع الشوك ولمـن؟!
وين الزهر وين الثمر فالغصونـا
لوتزرع المعروف والطيّب اثمـن
الشوك مجنـاه القهـر والغبونـا


هلال العتيبي

صح لسانك مدد بلاحد ولا عدد ..لاهنت والله يعافيك ..

سجّل اعجابي..

..


اخوي هايل العتيبي
صح قلبك ونبضك
مرورك فخر لاعدمناك
مودتـــــــــــــي

لاهنت


ودوم التوفيق

صح لسانك ياهلال





تحياتي

شامان الاسعدي
صح قلبك ونبضك
مرورك فخر طال عمرك

صح لسانك يا هلال

حتى تتعطل أحرف الكيبورد من كتابتها

شاعر جزل وفي كل نص تقدمه ترضي ذائقتي

إعجابي يجدد ولائه في هذا المتصفح

احترامي

الله اكبر ياهلال


قصيدة جديدة مليئة بالتجربة والتوجيه

ولك لاجديد في ابداعك


تقبل اعجابي بما قرأت