سلام ياعتيبه

سلام ياعتيبه وأنا رجلٍ شجيع=ماهمني في داركم أطلق شنب
أنتم على العليا كم سدٍ منيع=لاكني أزهم روس والقا لي ذنب

الباب ياسع له جمل قال المذيع = ماعندنا لشكالكم غير الركب
انته كما الزبده ليا سخنت تميع = ماتحتمٌل لسع الحراره واللهب

نسيت ترحيبك علامك ياوديع=أن دل00دل أنك من انصاف العرب
ياذا البعير الليل مسرى لاتضيع=وأن ضعت من دورك يامال الجرب

سلام ياعتيبه وأنا رجلٍ شجيـع
ماهمني في داركم أطلق شنـب هين يابو الشباب :d

صحت السنتكم


متابع

ولد منصور

,



,


صح بدنك يالذيب

ان كان جيت بطيب ياراع الصنيع = نعطيك وزنك ماس ولا من ذهب
ماظني إنك للملاقا تستطيع = ماكسر سنون المناشير الخشب

لاتامن الدنيا وتأكل من ضريع=النار تالع وأنته من ضمن الحطب
ياصاحبي نعرف عتيبه من سبيع=لاثارت الهيجا تخالطه السحب

الراعي الي جاك يحتاش القطيع = اسلم براسك لاتعرضه النشب
حنا رجال ٍ نشتري ناس ونبيع = والي يناحرنا نوريه العجب

ولد منصور

صح بدنك لاهنت

ماذمكم ياصحابنا سيفٍ بتيع=ولاتظلم الأجواد يلحقك السبب
ياعتيبه الهيلا كلامي للجميع=رجال واحد مننا يكفي سرب

مانسمع إلا فتوت الشيخ المنيع = والي يدٌور غيرها جاه العتب
اثركم اصحاب المشاكل فالبقيع = لا بالله إلا عندنا السيف الحدب

فرهودي ( اسمك حلو للبيع )

,


صح لسانك يالجزل


,


والله أني أعزكم ياعتيبه الهيلا


,


وأحب مقاشرتكم فالمزح حتى أخوياي اعزهم واقاشرهم

,

والله اسمكم لحاله ينومس كيف فعلكم

,.

وعشان المعزه أنا بينكم


,

مني احلى رديه لكل عتيبي على وجه الأرض

ياهلا ومرحبا بالصقيل المجرب ماعزيت غير من يعزك

والدعوه لعب ومزوح والخواطر مافيها شي

الاسم لاتشيل هم اذا بغيت اترك المنتدى ارسلتك الباسورد هههه

صح بدنك الفايده لي

وصح لسانك على ماقلت وااعذرنا على القصور في الكلام وفي التاخير الي من الاتصال