سلطان الجذع !!************!! صباح الخير
حاكم الغنامي18-Jan-2010, 07:54 AM
صباح الخير يابو عبدالله
مرحبا ترحيبةٍ تفدى بعشر من القصايد =والقصايد من قصيد المورقي ولا الزلامي
الجذع ياخذ قروض من البنوك بلا فوايد =ماكذب من قال شغل الواسطه فوق النظامي
ولدعساف18-Jan-2010, 08:05 AM
الله الله وصح لسانك و لسان أبو عبد الله متابع لكم
عيد بن مرضي18-Jan-2010, 08:09 AM
يا سلام مبدا رائع
صح لساااااااانك ياحاكم
ولسااااااااااااان سلطان
متااااااااااااااااااااااابعين لكم
حسن إبراهيم الدجيماء18-Jan-2010, 08:10 AM
ماكذب من قال شغل الواسطه فوق النظامي ... انا اشهد .. صح لسانك ياحاكم وبيض الله وجهك ..
وصح لسان الجذع مقدماً ..!!
سلطان الجـذع18-Jan-2010, 08:28 AM
..
يالله صباح خير :)
البقا لو إن ترحيبك على شرواك كايد = وان حصل لك تقدره يمكن بعد عشرين عامي !!
في نحور البيض مايجينا وعلقنا القلايد = غير بعد سنين في درب المحبه والغرامي !!
سلطان الجـذع18-Jan-2010, 08:30 AM
..
صح بدنك يابن عساف ... ولاهنت على تواجدك
سلطان الجـذع18-Jan-2010, 08:32 AM
...
ارحب ياابن مرضي ارحب ولاهنت على حضورك ...
سعود البرقاوي18-Jan-2010, 08:33 AM
البقا لـو إن ترحيبـك علـى شـرواك كايـد
وان حصل لك تقدره يمكن بعد عشرين عامي !!
هههههههههه طيب طيب ياسلطان
الليل ياحاكم والصف مع الجذع
حسن إبراهيم الدجيماء18-Jan-2010, 08:35 AM
الـبــقــا لـــــو إن تـرحـيـبــك عــلـــى شــــــرواك كـــايـــد
وان حصل لك تقدره يمكن بعد عشرين عامي !!
ايه ايه ... صح لسانك وعساك ع القوة طال عمرك ... متااابع ...
سلطان الجـذع18-Jan-2010, 08:35 AM
...
ارحب يابن مرضي ... صح بدنك وشرفتنا بتواجدك
سلطان الجـذع18-Jan-2010, 08:36 AM
..
الدجيما هلا مرحبا ياغير كل الغير :)
شرفتنا
سلطان الجـذع18-Jan-2010, 08:39 AM
...
البرقاوي عساها دايمه هـ الضحكه :)
ارحب ارحب ولاهنت على تواجدك المهم
مخاوي الطير18-Jan-2010, 09:07 AM
..
يالله صباح خير :)
البقا لو إن ترحيبك على شرواك كايد = وان حصل لك تقدره يمكن بعد عشرين عامي !!
في نحور البيض مايجينا وعلقنا القلايد = غير بعد سنين في درب المحبه والغرامي !!
الله الله
صح السانكم جميعاً ..
والصف صف الاسطورهـ ..
متاابع
//
حاكم الغنامي18-Jan-2010, 09:32 AM
طيب طيب
هههه
لاتزود ملحها ماني بحب الملح زايد =هاتها ضربة حسام وذوقها ضربة حسامي
ماعرفتك لين طلِعت صورتك وسط الجرايد =اثر فيك وصوف ...لايمكن توصّف بالكلامي!
سلطان الجـذع18-Jan-2010, 09:54 AM
...
ياوسيع العرف تحكمنا المذاهب والعوايد = والعرب قبلي تقول / الضرب فالميت حرامي !!
لاتعايدني نهار العيد والملبوس بايد = وإلك شكري وإلك تقديري وموفور احترامي !!
سلطان الجـذع18-Jan-2010, 09:56 AM
...
مخاوي الطير ارحب ارحب ارحب ...
يالله حيه :)
شرفتنا بتواجدك ياطويل العمر
مــــحــــمــــد18-Jan-2010, 10:25 AM
الله واكبر
يالله صباح خير
ابك كيف البقا لون ترحيبك على شرواك كايد هذا والله المجرم صدق
ولاكن وين تروح ابو عيد بالمرصاد
لاتزود ملحها ماني بحب الملح زايد / هاتها ضربة حسام وذوقها ضربة حسامي
والصف صفك يابو عيد عليك بالمجرم هذا
لا تخليه
وترحيب خاص خاص جداً بمخاوي الطير
حاكم الغنامي18-Jan-2010, 10:29 AM
قسمي ان كانك جهلته تجهل وساع البنايد =لاتكلف نفسك وتطلع مطاليع الكرامي
عقب طبيت البحر واقفابك الهامور صايد =صيدةٍ تخّتل وتّلزم ماتبا طارد ورامي
سلطان الجـذع18-Jan-2010, 10:58 AM
...
لاتداحمني بجنبٍ من وسومي فيه جايد = ولاتجدد في جروحك زال جرح العام دامي !!
انت لو تنظر على اللي صار بعيون المحايد = قلت ندٍ مثل الاخر بالذخيره والحزامي !!
سلطان الجـذع18-Jan-2010, 11:01 AM
...
حياك الله يامحمد ... والمجرم معروف اللي انت ماسكٍ صفه
وانت ماعلاك زود مجرمٍ مثله :) هههههههههههههه
شرفتنا بتواجدكـ ...
حاكم الغنامي18-Jan-2010, 11:27 AM
طيب طيب
هههههههه
ماجهلنا في مواقفك القديمه والجدايد =ماتشاف اليا غطا جو العرب عج وعسامي
لاتنافس نخبة الصفر بعشر حمرٍ رفايد =كانت بديرة تهامه عند صاحبك التهامي
حاكم الغنامي18-Jan-2010, 12:02 PM
ولد عساف
الدجيما
عيد بن مرضي
ابو فهد
مخاوي الطير
محمد
لاهنتم جميعا ووصحت ابدانكم
لاهنتم منورينااااااااااااا
علي الشهراني18-Jan-2010, 12:17 PM
حااكم - سلطان
قمة الشعر و المعااني
صحت السنتكم جميع
متااااابع
علي فلاح العضياني18-Jan-2010, 03:03 PM
الله الله
محاوره رائعه
صحت السنتكم
لله درّكم
سلطان الجـذع18-Jan-2010, 03:33 PM
...
طيب طيب
وانت ماشفت لك وقفة فالرخاء والا الشدايد = ياجملنا لك سنة ترعى ولاجالك سنامي!!
والله اني داخل سوق الفرايد بالفرايد = ماجلبت الباعه اللي ماتباع ولاتسامي!!
فايز بن سرحان الثبيتي18-Jan-2010, 03:45 PM
ياسلام ياسلام "
ابداع من ابو عيد وابو عبدالله "
" صحت قلوبكم "
عبدالله بن طلال18-Jan-2010, 03:54 PM
الله الله الله
صح لسانك ياحاكم
وصح لسانك يا سلطان
محاورة رائعه بكل المقاييس .. بدع وهجوم ودفاع وفتل ونقض ولا اروع
دمتوا ودام ابداعكم
تحياتي لكم
حاكم الغنامي18-Jan-2010, 05:44 PM
طيب طيب
صح لسانكــ يابو عبدالله وتشرفنا باللعب معكــ واستفدناا
الختام من عندكـــــ ياكحيلان
الجمل سبب عماك وشب وفي قلبك وقايد=والله انك ماتشوف من السما كبر الجرامي
لنت ند ...ولنت ضد... ولنت للعتبان قايد=مير خلك ملحق التالين في هضبة رخامي
سلطان الجـذع18-Jan-2010, 06:33 PM
...
هههههههههه ياسلام ...
صح لسانك يابو عيد ماعاد وراي القطره :)
والى اللقاء في وقت لاحق ...
تشرفنا يالغالي
وكل الشكر للزملاء اللي سجل تواجدهم ...
هنا
قادح شرار19-Jan-2010, 07:37 AM
صحت ألسنكم يا حاكم ويا سلطان ..
عزوز النفيعي19-Jan-2010, 10:53 AM
حاكم 00 سلطان 00 صحت الالسن والقلوب
نايف بن ملحق الثعلي19-Jan-2010, 11:03 AM
حااكم - سلطان
قمة الشعر و المعااني
صحت السنتكم جميع
متااااابع
