ياكيف اعافه

السلام عليكم ورحمة الله وبركاته


عطني من اللي لا شعمته ينجلي همي وافوق=عطني من اللي ترتكي للهم لا دنيتها
اشبها واونس حرارة جمرها وسط الخفوق=أكوي بجمرتها هموم البال لا كنيتها
ياكيف أعافه دام همي مزنة فيها بروق=وحقوق مزنه دمعة العينين لا هليتها
والدمعه اللي ساقها همي على المحدار سوق=ياعنك عيت تلتفت يمي وانا ماصخيتها
اقوم وانخى واعتزي واصيح الا يلاد روق=وأشوفها تفرك في اصابعها ليا ناديتها
يانعنبو دمع تحدر مانحدر من كثر شوق=الا تحدر من هموم خافيه ما ابديتها
واليوم أبا ابديها ونا والله مالي في الطروق=لكن يمكن ينشرح صدري ليا غنيتها
اشيلها وأزعج بها من الهم مخنوق=ليت البشر فيني تحس وتلتفت ياليتها
ويا هاجسي جيتك وفي صدري من الهم الدروق=خمسة فتوق عنة الخاطر وانا عنيتها
الاوله وين الرفيق اللي على الجزله يتوق=اللي يعضدني على الدنيا ليا ضديتها
والثانية طعن القفا والثالثه حظ عقوق=والرابعه وصاة عود خافيه ماجيتها
يالله طلبتك فزعتك وانت اللذي فينا رفوق=على الوصاة نهار السبت يوم اوحيتها
والخامسة وصل اللذي حبه تغلغل فالعروق=اللي وصوفه كايده ياعلني ماخطيتها
عينن كما شيهانتن حدمه على الصيده شفوق=سود مضاليل رموشه عسكرن صفيتها
والخد قمرا تستنير الخلق منها في الغسوق=وخشمن كما سلة سيوف الهند لا سليتها
حمر شفاته كنها شمس على حروة شروق=بيض ثنايها كما اللؤلؤ ليا عديتها
آليا عرض لك صاحبي يحظر لك العقل ويتوق=واليا ضحك تبطي عيونك وانت ماصديتها

صح لسانك وبيض الله وجهك على القصيده الرائعه

يعطيك العافيه اخوي طير الهيلا





تحياتي,,’’ولدالضيغمي

"
"

صح لساااانك يا طير

ولا تحرمنا جديدك

تقبل مروري

صح لسانكـ
قصيدة رائعه

مشكور

صحت اابدانكم جميع وشكرا لمروركم

واعذرونا على الاخطاء الاملائية الوارده في القصيده