اقرررررررررررب شاعررررررر
حمدان المطيري18-Apr-2011, 02:00 AM
ابتدى الطاروق والليله الخاطر وسيع = ودنا بالشاعر اللي يوفي وقفته
الدليله لامشى في طريقه ما يضيع = وفي طريقه لامشى مايضيع وجهته
علي الثبيتي18-Apr-2011, 02:05 AM
الله الله
صح لسااااااااااااااااانك ولو تسمح لي الادره كان رديت
حاول تكتب اسمك الصريح
حمدان المطيري18-Apr-2011, 02:16 AM
اسمي الحقيقي حمدان المطيري
فالح العصيمي18-Apr-2011, 03:31 AM
ماجهل في سنة المصطفى غير الرضيع ............ وانت اظنك قاري ً فالمدارس سيرته
الجروه قادها ياولد قلب ً شجيع ............. جاك شاعر يكتفي ماقفه عن سمعته
محمد الذيابـــي18-Apr-2011, 03:33 AM
مرحبا بك يالمطيري عدد نبت الربيع=وانت شاعر ومتغطرس وتفرح جيته
المطيري مايفيده قريب ولا شفيع=ناويٍ لي نيةٍ فيه لطحن حبته
حمدان المطيري18-Apr-2011, 03:53 AM
ماجهل في سنة المصطفى غير الرضيع ............ وانت اظنك قاري ً فالمدارس سيرته
الجروه قادها ياولد قلب ً شجيع ............. جاك شاعر يكتفي ماقفه عن سمعته
استلم يالعصيمي
من ترك نهج النبي عاش فالدنيا صديع = ومن تبع نهج النبي مايضيع حجته
المواقف محتميها وانا سيفي بتيع = وان ضرب ياصاحبي ماتداوى ضربته
فالح العصيمي18-Apr-2011, 04:10 AM
المحطه مانكب بثها غير المذيع ............. في تردد موجته ليت يظبط موجته
لا تحسب الاربعه كلها فصل الربيع ...........لا تباطا القيض يالاجودي عن حزته
حمدان المطيري18-Apr-2011, 04:37 AM
المحطه مانكب بثها غير المذيع ............. في تردد موجته ليت يظبط موجته
لا تحسب الاربعه كلها فصل الربيع ...........لا تباطا القيض يالاجودي عن حزته
المحطه دونها ياولد حصنن منيع = بثها ثابت لو الجو زادت عجته
من دخل في السوق لابد مايشري ويبيع = وكل تاجر وسط سوقه يمدح سلعته
فالح العصيمي18-Apr-2011, 04:55 AM
لا تذكرني بكنز القناعه ياقنيع ............. ابن بطوطه بلاشك تذهل قصته
يخلف الله في وداعه مضيعها وديع .......... وطمعت امين الامانه يبري ذمته
حمدان المطيري18-Apr-2011, 05:20 AM
لا تذكرني بكنز القناعه ياقنيع ............. ابن بطوطه بلاشك تذهل قصته
يخلف الله في وداعه مضيعها وديع .......... وطمعت امين الامانه يبري ذمته
يالعصيمي لامشينا مع الخط السريع = انتبه من ساهر ولا تجاوز سرعته
القسايم سجلت والعصيمي مايطيع = الاوله في روحته والثانيه في جيته
فالح العصيمي18-Apr-2011, 05:36 AM
القسايم لي رصيد ً يسددها جميع ............. ماضرينا بهيبت العسكري في نجدته
احفظ الزبده قبل تسطع الشمس وتميع .........وانت تاجر بينت وسط سوقه ازمته
حمدان المطيري18-Apr-2011, 06:06 AM
القسايم لي رصيد ً يسددها جميع ............. ماضرينا بهيبت العسكري في نجدته
احفظ الزبده قبل تسطع الشمس وتميع .........وانت تاجر بينت وسط سوقه ازمته
بارك الله في الملك راعي القدر الرفيع = خلاك تطغى في الزمن ياولد من شرهته
احمد الله على وقفتي واستطيع = اسبح البحر واغوص في غبته
فالح العصيمي18-Apr-2011, 06:20 AM
انت عد وجمع ورادك الليله فضيع .................... منت غبه دام بيرك تواما قربته
الله اكبر والمطيري تمثى وسط ريع ................... اكرم الله شاربه واكرم الله لحيته
فالح العصيمي18-Apr-2011, 06:22 AM
صح لساانك ياحمدان المطيري
وبيض الله وجهك شاعر جزل و تشرفت باللعب معك
سرى الليل وتصبحون على خير
مرزوق حمدان العتيبي18-Apr-2011, 08:44 PM
..
الاثنين مبدعين
والله يعطيكم العافيه اطربتونا ..
....
فالح العصيمي21-Apr-2011, 02:12 AM
ماعليك زود
وبيض الله وجهك يامرزوق
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
