محاورة بين شاعر الخليج و جار الله السواط

انقل لكم هذه المحاورة بين شاعر الخليج / صياف الحربي"رحمه الله" و الشاعر / جار الله السواط اطال الله في عمره.




صياف الحربي


الليل ياشاعرن مالك سنون= يوم الاوادم طوال اسنونها
لولاك بعض العرب مايضحكون = و الآن شاهد حمار عيونها



السواط


انا عتيبي و اخلص فالديون= و اللي تبيها تعوّد دونها
انكان مجنون قدامك جنون=و الارض تسكن جميع اسكونها



صياف الحربي


انته عتيبي و ربعك يسمعون= يانخلةٍ منحني عرجونها
جاني خبر مع سلوك التلفون= يوم الامانة غلط مامونها




السواط


نعرف مواقيف حمران العيون= عيون صياف ابا اعمي نونها
جاك الخبر من رجالٍ يكذبون= ياجمرةٍ منطفي غليونها




صياف الحربي


عمتك عمتك طيبت اللحون= تعصر لك الصبح من ليمونها
الله ليت الاوادم يعقلون= قبل الشجاري تطول افنونها



السواط


لي عمتن مالها وصفٍ و لون= و إلا انت عمتك رحت اتخونها
....... شوف الذبايح بالصحون= و اخلط لبنها على كمونها




صياف الحربي


لونكم تحفرون و تدفنون= ام الكباير كسرنا شونها
لاشفت وجهك ذكرت الميتون=ياضبتن منكسر كالونها


السواط


الحمد لله لي جنب و متون= حبتك دوب احترق طاحونها
لحيتك لحيتك تدهن بالدهون = هذا السنة قوللي وش لونها



صياف الحربي

العام ماكل ناس إيسامحون=دنياك جاتك تجر اردونها
تزمر عليه و شاربك امحسون=و الشعرة اللي بقت لك صونها


السواط


هاك السنة تسجدون و تركعون= و اليومه الدين ماتوفونها
ماتفجع الحر قرقاعة شنون=يوم المخليق عند اشنونها

لاهنت يالغالي

هذا فديو المحاورة

http://www.youtube.com/watch?v=C7H2kirC4Dc&feature=related





تحياتي

الله يرحم صياف ويشفي جار الله السواط


محاورة بين شعراء كبار


ويبقى صياف الحربي الشاعر الذي ( يُعجِــز ولا يَعجَــز )


شكراً لك يامهجرس على المحاورة

بسم الله الرحمن الرحيم

طاروق قوي


الله يرحم صياف ويشفي ابو بندر ويطيل عمره في طاعته

البيت الثآني مطب قوي من صيآف الحربي ..



محآوره رائعه ..




يعطيك العآفيه ..




تحياتي

بسم الله الرحمن الرحيم

محاورة رايعة جدا .....الله يرحم صياف ويشفي جارالله

مشكور ........أخوي على هذه المحاورة .