****** طعنات الأهداب ******

ماقد عيوني خونت يوم فيني
دايم أرد طعنات الأهداب طعنات
الا عيونك اثرت حيل فيني
يالعن بوهن كانهن حيل جسرات
مرة تقفي الروح ومره تجيني
لاني بحي ولاني من ضمن الأموات
لو أقدر أعمى ناظري في يميني
مرة اموت اهون ولا اموت مرات
هون سهام العين كانك تبيني
ماقدر أقاوم بالهوى عيون عسرات
ماتخاف من الله بالعيون مبتليني
تكفى دخيلك مااحتمل زود صدمات
أخذ حياتي كلها ياظنيني
فدوة لعينك دامها منك مأساة
اما تعال اسعد بقايا سنيني
ولا عيونك غضها... بس طعنات
للشاعر / طلال سعود الزايدي

صح السانك ولسان الشاعر

ويعطيك العافية

تحياتي

صح السانك والسان الزيادي

تشكر على القصيده وسلمت يمناك

تحيااااااااااااااتي

المرقي تشرفت بمرورك الكريم اخوي وصح بدنك تحياتي لك.

الدلبحي ازدان الموضوع بمرورك اخوي تحياتي لك.