الله الله في الصفوف لا هنتوا
علي القحطاني18-Jul-2005, 01:06 PM
السلام عليكم ورحمة الله وبركاته
مساكم الله بالخير
وين الصفوف يا شباب وليجهزتوا عطوني خبر
كل شاعر يسجل حضوره وبعدها بنادي اللي بالعب معه
الله الله في الصفوف لا هنتوا
جساس18-Jul-2005, 01:54 PM
استلم يا علي
ولا يهونون الربع
في محل عتيبه الهيلا معطرة الهنادي=يا سلام الله سلام ن فيه خير وفيه خيره
قوم صل الفرض يا شاعر معا صوت المنادي=والخواطر مسفهله والهبايب مستذيره
فيصل الثبيتي18-Jul-2005, 02:00 PM
صح لسانك يا جسّاس وبدعه قوية وجزلة
وفي إنتظار شاعرنا علي القحطاني للعب معك . . .
بكل تأكيد سنستمتع . . .
الفيصــــل
فراج القرقاح18-Jul-2005, 02:07 PM
صح لسااانك وبدايه قويه...
في انتظاااار علي...
مع التيحه...
علي القحطاني18-Jul-2005, 02:12 PM
مرحبا ومسهلا وعسى فيك البركه
خلــــــــــــــوها:
مرحبا ترحيبةٍ تنشر على كل الروادي = لين تسمعها الخلايق تلتعب في كل ديره
فيه موضاتٍ قدام وفيه موضاتٍ جدادي = وانت شاعر يعجبه رايه وما يملي ضميره
ماجد الهذلي18-Jul-2005, 02:13 PM
علي وجساس ولا هنت يا جساس
يا سلام يا سلام محاوره ثقيله
مااااابع
متااابع للعب
علي القحطاني18-Jul-2005, 02:14 PM
الاخوان الفيصل والداهيه
لاهنتوا ومروركم شرف للمحاوره
علي القحطاني18-Jul-2005, 02:15 PM
مرحبا ومسهلا يا ماجد و لاهنت ياغالي
جساس18-Jul-2005, 02:24 PM
وين دربك يا ولد قحطان لو طاح الشدادي=يمكن يروح المساند في الرحاه المستديره
يوم قدح الزند خلق الله ماتنسى زنادي=وانت رجالٍ تحيزم بالبنادق والذخيره
جساس18-Jul-2005, 02:26 PM
صح لسانك يا جسّاس وبدعه قوية وجزلة
وفي إنتظار شاعرنا علي القحطاني للعب معك . . .
بكل تأكيد سنستمتع . . .
الفيصــــل
صح بدنك
وراي شاعر مثلك يكفيني
جساس18-Jul-2005, 02:27 PM
صح لسااانك وبدايه قويه...
في انتظاااار علي...
مع التيحه...
صح بدنك
مرورك نور الطاروق
فيصل المسعودي18-Jul-2005, 02:28 PM
جساااااااااااااااس
علي القحطاني
تحيااااااااااااااااتي لكم
جساس18-Jul-2005, 02:28 PM
علي وجساس ولا هنت يا جساس
يا سلام يا سلام محاوره ثقيله
مااااابع
متااابع للعب
اخي ماجد
اشكرك على التعليق والرور
بيض الله وجهك
جساس18-Jul-2005, 02:31 PM
جساااااااااااااااس
علي القحطاني
تحيااااااااااااااااتي لكم
اخي
فيصل المسعودي
شكرا على المرور
علي القحطاني18-Jul-2005, 02:36 PM
خلـــــــــــــــــــــــوها:
وش علامك تطمر الجدران والموضوع عادي = البنادق والذخيره عند حكّام الجزيره
انت أشوفك مشتعل والخوف لا تصبح رمادي = اطلب الله يلبسك ثوب العوافي والستيره
علي القحطاني18-Jul-2005, 02:37 PM
مرحبا يا فيصل المسعودي ولا هنت على مرورك الكريم
جساس18-Jul-2005, 02:46 PM
كل نايم يا عسى يهنى ويشبعه الرقادي=مير ضلع الطويق من يقدر بها الدنيا يديره
من ترك لحم القعود اكيد يكفيه الزبادي=والتريله حمولها بالعلف والخد نيره
علي القحطاني18-Jul-2005, 03:10 PM
خلــــــــــــــــــــــــــــــوها:
أنصطلت وداخ راسك وأخلفك رمي العوادي = والرحا دارت وحبّك ما بقا منّه شعيره
طاح سهمك و انحدر فالقاع يا سهم البلادي = مدّت اليد الغنيّه غطّت اليد الفقيره
جساس18-Jul-2005, 03:16 PM
اشهد انها حدرت يا اهل الشعر مع كل وادي=والبرير والله ان يبطي ولا حصل بريره
احسبنها ريح شيح وريح عنبر ريح كادي=واثر راعي الكير جالس مرتكي ينفخ بكيره
علي القحطاني18-Jul-2005, 04:24 PM
الله الله :)
ما تفيد الحاضره والبدو يا عود الكدادي = كل واحد يا طويل الباع في نفسه بصيره
ملعبتنا ملعبة شعار يا شبل النوادي = غير خلّك يا صغيّر للمواضيع الصغيره
جساس18-Jul-2005, 04:48 PM
وش نسوي بالبزور اهل الخزى واهل الدوادي=ابتلشنا بالنطيحه والهلامه والكسيره
نبدع القيفان وانته نايمٍ وسط المهادي=والولد شاعر كن يا ليتني قابلت غيره
سيــف المعانـي18-Jul-2005, 05:25 PM
جساس18-Jul-2005, 05:38 PM
اخي سيف المعاني
وقوفك في صفي شرف كبير لي
الله لا يهينك
ويبيض وجهك
علي القحطاني18-Jul-2005, 09:03 PM
أكرم الله لحيتي عن كل هرجك والدوادي = ليت حمّارٍ يسوقك يرجع وياخذ حميره
شرهتي تسند على الشيخان وأصحاب القوادي = ما حسبت حساب مثلك والسرابيت الحقيره
علي القحطاني18-Jul-2005, 09:05 PM
بيض الله وجيهكم جميع والله يمسيكم على خير لأن ما عاد الا منها واخس
والاعتذار مقدم للجميع
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
