بمناسبة زيارتي للمراشده من أهل الحنابج

[ياراكب من فوق ما يـدن الأبعـاد
آخر موديل مـن حفيـز الخواجـه
أرسى من اللي وجهوها بالأرصـاد
مـن وارد البوينـغ حـز إندراجـه
أسرع من هموم على الصِدر واوراد
يدنيـك لـديـارِ بـعـاد فجـاجـه
من نجد حـرك يمـة النيـر قصـاد
يـم الحجـاز وبالحنابـج مـداجـه
من دار حاتم طي كـزه بمـا جـاد
أبيات شعرٍ صايغينـه علـى آجـه
مدايـحٍ تزهـى عريبيـن الأجـداد
روس القبايل هـم ذهبهـا وتاجـه
يم الديار اللـي بهـا شقـح الأذواد
وشقرٍ تعزل فـي نهـار اعتلاجـه
ودهم العروق مصوبـات بالأضـداد
وسمر القنا مثل الحـرار انزعاجـه
مثل الجبال الراسيه هـي والأطـواد
بساعـةٍ والكـون غـاب انفراجـه
عتيبه لها في سلم المجـد الأمجـاد
للجار والخطـار يضـوي سراجـه
شيبٍ زحازيحٍ علـى المـوت وراد
وهتك الستار لكـل راعـي عواجـه
نخص أبو توبان في محكـم الضـاد
طب القلـوب اليـا تعـذر علاجـه
راعـي فعـالٍ شامخـات بالأوتـاد
وحيل تقلـط مـع قراهـا إنبهاجـه
وتلقى مع الرسلان مصبوب بغـداد
والعود الأزرق دار معهـا حجاجـه
مراشده ما بـه خفـى لابـة بجـاد
أبـو خشيـم لكايـدات المـواجـه
رجل وصل صيته ورا شط الأكـراد
وسلطان بأرض الترمذي وإبن ماجه
نسل السباع الهايجـه حـزة طـراد
وبالعز والطـولات صـرفٍ مزاجـه
كم مـن قويـد مكبلينـه بالأصفـاد
بابن بجـاد الليـث عجـل فراجـه
ترفع لك البيضاء على روس الأشهاد
تركي لعسـرات القضايـا خراجـه
وختامها صلوا بلا حصـر واعـداد
ماصدّر الميناء وجاء مـن كراجـه
وما غنت الورقا على خضر الأعواد
عليك يا ريـف الضعيـف وملاجـه

..
.
صح لسانك ... يامبارك
واللي مدحتهم كفو ولاعليك زود
....

لاهنت صح لسانك جزل والممدوح يستاهل المدح


ودي


واحترامي

صح لسااااااااااااااااااااااااانك