وعتيبه الهيلا لها عرف واسلوم // وامثـبْـت التاريخ يااهل الرجوله ,, إهداء

مرتن من المرارين :D صار بيني وبين احدهم
نقاش ومداولات >> مجلس الامن :rolleyes:
وجات هذي القصيده وليدة ذلك المخاض
طبعا ً جزله لأنني ماأتي الا بالجزل
وعندي غيرها :D إذا تبون مستعد ;)



ماهمنا سلكن على الزيف منضوم = قلنا وقلنا وش بقى مانقوله
بعض العرب عقله مثل فصة الثوم = والبعض الآخرفارغه ومهبوله
مايستوي عقل العوارف مع الزوم = وشعيل مايقصاه كبر الحموله
هذا زمان اليوم ياطاير البوم= وقت ٍ به الانذال تاخذ عموله
على النسب حطوا مكافات ورسوم =وكلن على التنتيه يسرج خيوله
اللي يهذريله بااشاعات واعلوم = واللي على التبديل يدفع سيوله
واللي على قدح العرب يرفع السوم = واللي ورى الكيبورد يد ْه عجوله
والمشكله كل التواريخ برقوم =ولااحد ٍ مبدل مامضى بالسهوله
ناس ٍ تعزوى للردى والردى كوم =و اللي يدور للردى يب ينوله
اهبيْ ياوقت ٍ به الحر ملطوم =والبوم صاير تالي الوقت غوله
ذا وقت ٍ الغربان تكسربه الحوم = والابرق آخذ فيه دور البطوله
وان قلت ابيها لوم ماينفع اللوم = ولاينفع المنقود سن الطفوله
فيمامضى عباس بالروس مثلوم = ماحد ْ من روس العرب حام حوله
يوم المواجه بالعرب كر ْ وهْجوم =ومقارع الفرسان في كل ْ جوله
قبيلة عتيبه لها اخيار القسوم = وشهودها الاحرار في كل دوله
مااقولها قصدي دعايات وحلوم = سواة من جاب الثريا بقوله
البارحه ٍ راسه من الضد موسوم = ضرب العراقي بالعلابي يهوله
واليوم ماكنه على الحق ملزوم =والعقل عنده صايبته الكهوله
من اول ٍ راسه يدسه عن القوم = واليوم بـَيْن للمشاكيل زوله
وعتيبه الهيلالها عرف واسلوم = وامثـبْـت التاريخ يااهل الرجوله
واشيوخها منها وفيها على الدوم = واللي مضيْع حجْته لايهوله
اما يجيب الهرج واضح ومعلوم = والايجنب عن ثراهم ميوله

تامرون شي :cool:

الله الله يا السمي يانايف لاهنت على القصيده الي تجيب المرض قصدي الي تجيب العاافيه ولاهنت

لله درك

قصيدة طيبه وجزلة

صح لسانك يابن العم

صح لسانك يانايف