الامير عبدالرحمن بن عبدالله ال سعود يفخر بعنزه

السلام عليكم ورحمة الله وبركاته

قصيده للشاعر سمو الامير \ عبدالرحمن بن عبدالله بن عبدالرحمن آل سعود نشرت بمجلة المختلف

في العدد 182 في شهر سبتمبر 2006 م بعنوان جميل المثايل واليكم هذه القصيده التي فيها من

الحكمه الشيء الكثير والثناء لربعه وجماعته قبيلة عنزه (عيال وايل)

================== والقصيده طويله ولاكن هذا جزء منها===========


يقـول مـن يبـدع جميـل المثايـل == ============ مثايل ٍ عذبـه .. نقيـه .. مصفـات

يقولهـا مـن عرفـه ان الاوايــل == ======== مابقـو لتاليهـم امـور ٍ مصـفـات

يقولهـا ينصـح عـيـال الحمـايـل ==== ========== اللي لهـم زينـات الافعـال عـادات

ينصح بهـا اهـل المـدن والقبايـل ==== =========== لعل فيها لراعـي العـرف عبـرات

العاقـل اللـي يعـرف ان التحايـل ==================== مافيـه لـه فـود ٍ ولا فيـه نفعـات

العاقـل اللـي يعـرف ان الحبايـل==== ========= تصيـد حابلهـا وتسقيـه لـوعـات

والجاهـل اللـي كـل ماقـال قايـل =============== صدق كلامـه دون برهـان واثبـا

والجاهـل اللـي فالمسـا والقوايـل =================== يـدور بـوش ٍ لايقـيّـل ولابــات

والجاهل اللـي لـو عيونـه تخايـل==== ========== يطيح وسط النـار مثـل الفراشـات

والطيـب ياباغيـه شيـل الثقـايـل ================== لامن عجـز عنـه ردييـن هامـات

والعيـب والمنقـود راس الفشـايـل === =========== عصيانـك الرحمـن رب السمـوات

والعيـب والمنقـود شـب الفتـايـل============ بين الجماعـه والمعايـر بمـا فـات

هذا كلام رشيد مـن نسـل (وايـل )============== اهل الكرم والجود واهل المروات

لباسـة الماهـود واهـل الاصـايـل ============= عون الرفيق اللي وقع وسط شطات

كم شيـخ قـوم ٍ ذاق مـر الملايـل================== من ضربهم لاجو على الخيل عجلات

لطامـة العايـل ليـا جـاك مـايـل============== شينين .. زينين ٍ .. مطافيق .. وثقات

لطامـة ٍ .. نطـاحـة .. ماتسـايـل =============== فرسان .. شجعان ٍ .. مدابيس غارات

وطعونهـم تلقـى بهـا الـدم سايـل============= وصحونهم يلقى بها الضيف خيـرات

======================
لسمو الامير الشاعر \ عبدالرحمن بن عبدالله بن عبدالرحمن آل سعود

صح لسان صاحب السمو الامير عبدالرحمن ..


والنعم بجميع القبائل ..

لاهنت اخوي عالنقـل ،