ويل الزمن يابنت

ويل الزمن يابنت العفون ويله = ان كان علا شان نفاخة الكير
يابنت ماني من جموعٍ ذليله = صغيرنا للرفعه اسرع من الطير
وكبيرنا فوق النوايف مقيله= وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
نبع الشهامه تاج راس الفضيله= واهل الظفر في يوم صفق الشواطير
واهل القنا واهل السيوف الوبيله= واهل الرمك ستر العذارى الغنادير
واهل الوفا واهل الجذور النبيله= واهل الهمم نسل القروم المناعير
قوم بنينا امجاد فوق الطويله =قوم نرد الضيم منضام وصغير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله =حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجفل ان جتنا السيوف السليله =حتى ايش لو صكت علينا الطوابير
نبطش بهم بطش السنين المهيله= بطش الشغاميم الحرار المغاوير
هجاد فوق المسرجات الاصيله =وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله = لاقروم لا خيلٍ ولا سيف وبعير
عدونا يابنت منهد حيله= هدنه الحدب الحداد البواتير
ولا سادت ايام وليالي بخيله= نفيض جود ومانسوق المعاذير
نعطي السمان ومانمد الهزيله= نجزل عطانا مانحسب المخاسير
مثل كرم واحسان وبل المخيله= يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير
لكن عزاي بذكر علمٍ حصيله= حنا الزحازيح الحرار المناعير
بدر ناصر بداح المورقي العتيبي

[صورة غير متوفرة]




صح السانك يالمورقي وبيض الله وجهك يالغالي

مشكور وماقصرت

الهليوم ومحب الهيلا صحت ابدانكم وحياكم الله ومشكورين على المرور
بدر المورقي

بدر ناصر المورقي
----------------


صح لسانك قصيدة طيبة تقبل

مروري يالغالي

بدر المورقي تنشر لك البضاء




على قصيدتك الرائعة

بيض الله وجهك
قصيده وافيه من رجل وافي ..
لا يسعني الا ان اقول..

شكرا جزيلا لك...

صح لسانك يابدر ..
قصيدة وافية ..

والله يعطيك العافية ..

صنداح الزلامي ,وزيزوم مدركه,ابو مشعاب,السمير
صحت ابدانكم والله لايهينكم وكل الشكر على الثناء الطيب والمرور الاطيب
بدر المورقي

...................