أنا حياتي كلها.....

انا حياتي كلها حب وأحساس@
مع طاعة الله قبلها يالسنافي
امشي على كيفي وشوري من الراس@
ولامشورة رجل لاقال وافي
ماامشي مع الانذال مسمع لانجاس@
مااسمع لمنهو بقلبه الحقد خافي
وحبي ترى متمكنن وسط الانفاس@
متمكنن في القلب صاحي وغافي
حب الولي ثم الرسول أطهر الناس
@وحب الثنين اللي لهم حب صافي
وأحب الرجال أهل السطر وأهل الباس@
اللي لهم حمل الثقايل خفافي
وحب الدلال وحب نجر ومحماس @
فنجالهن ذوقه يجيب العوافي
وذود بمقناها رجوله ونوماس @
سود طوال أرقاب جرد سهافي
وحب الهنوف اللي تعزواعلى ساس@
بنت الرجال اللي تجير الضعافي
هذاه حبي والعرب واجد أجناس @
وكل برايه عايشن ومتكافي
وصلاة ربي عد مهب نسناس @
وإعداد من لبى بمكه وطافي
على رسول وضح الحق بقياس@
شفيعنا والكل عريان حافي

مشكوووووووور يالغالي وصح السانك

صح لسانك

مشكور وماقصرت

صحت ابدانكم ومقصرتو جميعا


تقبلو تحيااتي