اتحاد الراي عزٍ للقبيله (مخيم الدلابحة)

هذه قصيدة سعود بن سطام بن حادي في اجتماع الدلابحة

في ملتقى عتيبه لمزايين الابل







اتحـاد الـراي عــز ٍ للقبيـلـه=والتكاتف فالمواقـف مـن شيمنـا
ولعي يا نـار فـي راس الفتيلـه=وأرتفع فوق البيـارق يـا علمنـا
لا دعانا الشيـخ للموقـف نجيلـه=نعتزي ونشـوش لامنـه زهمنـا
دلبحي وأفخـر بوقفـات ٍ مهيلـه=كم غزينا من قديـم وكـم غنمنـا
يوم ضرب الشلف وسيوف ٍ صقيله=في سنـام المجـد خيمنـا وأقمنـا
مثل سيل ٍ ما يجنب عـن مسيلـه=كلنا هيبـه وندحـم مـن زحمنـا
لا اعتلينا قب الأمهـار الأصيلـه=ما يحيد عن الهدف مضرب سهمنا
نكسب الجزلة ولا نسوق الهزيلـه=من جهل حنا على اللاحي وسمنـا
من وقـف بوجيهنـا وااعزتيلـه=ذاق مر الويل يـوم إنـا حدمنـا
نكعمـه بسيوفنـا ونهـد حيـلـه=مـا حسبنـا ننذبـح وإلا سلمـنـا
والدخيـل الهـم والله مـا يشيلـه=من يمـس دخيلنـا عـده لطمنـا
والمطيري شيل مخبـور ٍ مشيلـه=يوم وحدنا على الـراي وعزمنـا
والخوي ندراه عن نقص ٍ يجي له=من معاش حلوقنـا لجلـه قسمنـا
يشهـد التاريـخ ورواتـه دليلـه=ما أدعينـا بالفعـول ولا زعمنـا
راية ٍ تنشر علـى راس الطويلـه=يوم جا الموقـف وعلتنـا هممنـا
وقفـة ٍ وحـده ومـدات ٍ جزيلـه=المثل يضرب ويحكى عن كرمنـا
وجيتكم عانـي وعنيـت الكحيلـه=والبيوت لشاعـر الماقـف قدمنـا
وصغتها وأهديتها لشيـخ القبيلـه=شيخ يستاهل وهاذي مـن شيمنـا


وسلامتكم

[صورة غير متوفرة] (http://gigaup.net)

محمد النفيعي

مشكووور على المرور

صح لسانك يابن حادي ّّّّّّّّّّ

مشكور بن حادي

صح لساانك يا بن حادي والتوحد عززز للقبيله