كـــــان اللـــــه أحيــــــانا وكــــان الله أحيـــــاك

إلكم يا أبو سلطان عندي وليــــــــمه
.............................................كان الله أحــيانا وكان الله أحيـــــاك
في جال وادٍ يوم يطرق نســـــــيمــه
..............................................شذا نباتــه ما تبيـــــــــه يتــــــعداك
عليـــــــه قدم وسيل وأقفاه ديمــــه
..............................................ولا عنــه رداد الخبــــــــر قبلنـا جاك
يازيــــــن شبت نارنا فالخريـــــــمه
..............................................لا حولنا لمبه ولا حولـــــــــنا أسـلاك
ولا به من العربان بــــناي خيــــــمه
.............................................أرضٍ خلا وفيــــــــاضها غاية منـــاك
في جو ماطر والخواطر سليـــــــــمه
.............................................واللي برفقـتـنا مــــــن الناس شرواك
أيــام عـــــده واعتبـــــــرها عزيمه
............................................من واحدٍ مــن قلبــــــه الصادق أغلاك
اللي لك بقلبــــه مكــــــانه وقيـــمه
............................................واللي يا أبو سلطـــــان ما قط ينساك
الجد واحد والعـلاقـــة حميــــــــــمه
............................................ وغاية بني عمك سعادتــــك وارضاك

يازيــــــن شبت نارنا فالخريـــــــمه
..............................................لا حولنا لمبه ولا حولـــــــــنا أسـلاك
صح لسانك وتسلم مليون على هالقصيده الجزله الي اكثر من رائعه
بيض الله وجهك
وتقبل تحياتي

أخوي متعب العضياني صح بدنك وعساك سالم ومرورك أسعدني كثيراً وشهادة شرف ووسام والله لا يهينك،

الحرالاشقر
قصيده جميله والى المزيد من الرقي .

هنا الحر الأشقر ...
هنا الشعر الجزل...
هنا الكلمة والإبداع...
صح لسانك مليون ولايكفون...


سوف تنقل ل( قصائد الأعضاء )



تحيااااتي.

أخوي سعود الفيصل شكراً لمرورك ولا عليك زود والله لا يهينك

مشرفنا وشاعرنا واستاذنا وصل مرورك شرف وشهادتك وسام .والله لا يحرمنا وجودك والله يسلمك ويبيض وجهك يالغالي،،
أخوكم الحر الأشقر