من جديد الشاعر احمد الناصر الشايع

نصحت قلبي عن هواه وعذلته
لاشك عيا لايطيـع النصيحـة
البارق اللي ينعش الروح خلته
انا المشقى والعرب مستريحـة
عساه يسقي وادي قـد نزلتـه
يوم من الأيام يازيـن ريحـة
واد الغرام اللي يذكـر دخلتتـه
فيه العذاب وبه رسـوم مليحـة
ماقال ابن لعبون في مي قلتـه
قلت البيوت الصايبات الصحيحة
بذلت مجهودي وجهـدي بذلتـه
والله ماقول إلا العلوم الصريحة
زول قتلنـي بالهـوى ماقتلتـه
لو مت باسبابه عسى الله يبيحة
ياكبر هم عقـب فرقـاه شلتـه
مار الليالي بالمواصل شحيحـة
لو قلتوا ابشر بالعوض ماقبلتـه
جوزوا وكثرالعذل يرث فضيحة
ياللي عذلتوني وش اللي عملته
يالايم العاشق تطيـح بمطيحـة
الباب عن كل العـواذل قفلتـه
ياناوي بالعـذل طبـه بطيحـة
لو لي حلال مع حلالك عزلتـه
كم ضحكة جا عقبها كم صيحة

ابيات رائعه جدا

وبيض الله وجهك والله يعطيك العافيه

وجهك ابيض طال عمرك

الله يعافيك

لاهنت على المرور