الطـــــارف حياه الله
فرهودي22-Nov-2009, 10:33 PM
مغار مزوح تكرم روسكم
سرى الليل والمعنى على راس مرقاب = في قاعه غدير وفوق راسه غمامه
نبا نرهب الشعار ونزيد الارهاب = ونطا على راسه وناخذ حزامه
الحوووووت22-Nov-2009, 10:53 PM
سرى الليل والمعنى مفاتيح الابواب=من البيت الابيض لين قصر اليمامه
نبا نذبح الحيه قبل ذبحت الداب=قبل لا تطير ولا تحن الحمامه
محمد الشامان الحشيبري22-Nov-2009, 11:02 PM
الله الله في صفك ياالحوووووووووت @ولايهون الفرهودي
سرى الليل والمعنى مفاتيح الابواب
من البيت الابيض لين قصر اليمامه
الحوووووت22-Nov-2009, 11:07 PM
ارحب ياشامان الصف يزهابك يالسنافي
فرهودي22-Nov-2009, 11:11 PM
ياحوت البحر بطن البحر كله اعشاب = ولا فيه طعس ٍ مثل طعس الثمامه
ترا آخر حياتك تنتهي عند قصاب = يخليك تونه ياحياة الندامه
محمد الشامان الحشيبري22-Nov-2009, 11:15 PM
فرهودي22-Nov-2009, 11:17 PM
شامان
صح بدنك ولاهنت الصف واحد
مشاري الشيباني22-Nov-2009, 11:20 PM
فرهودي
والحوت
صحت السنتكم
متاااااااااااااااابع
من بعيد
الحوووووت22-Nov-2009, 11:36 PM
ههههههههههههههههههه
ياخطير استلم
ترى الفرق بين الروس شاسع والذناب=تهايط تبا الميسم يشق البجامه
ترى الحوت لو حطك على الظرس والناب=يبا يرتخي راسك ياراس النعامه
الحوووووت22-Nov-2009, 11:37 PM
استاذنك يافرهوووود نصف ساعه وراجع انشاءالله
فرهودي22-Nov-2009, 11:56 PM
ههههههه
ترانا رجالن نقطع يدين ورقاب = ولو نلزم المشبوه نكسر عظامه
لقيتك من البارح تسحٌب فالاسياب = تبالك من التجار ثوب وعمامه
فرهودي22-Nov-2009, 11:57 PM
شبل الهيلا
صح بدنك ولاهنت
فرهودي22-Nov-2009, 11:59 PM
الحوت
خذ راحتك
انا موجود لين يقول الله اكبر الفجر
الحوووووت23-Nov-2009, 03:22 AM
هذولاك عيال العود ولاأ نت نصاب=أظنك شبيه بليه مادري اوبامه
من البارحه وأنته معى راعي القلاب=تديره تبا منه شداد ومسامه
فرهودي23-Nov-2009, 06:22 PM
إلا يامعين تعين ابو زيد وذياب = ابو زيد عايف من سوالف دلامه
علومه علوم الي معه ضغط واعصاب = ولا ودنا ناخذ ذنوبه واثامه
الحوووووت23-Nov-2009, 09:44 PM
ابو زيد لو أنه حسب للرجال أحساب=ماعاف الهروج ولا تكدر منامه
تمس الشنب قدام عكفان الاشناب=وحوت البحر غابنك صوت للتطامه
فرهودي23-Nov-2009, 10:08 PM
انا مانويت اقلعلك الضرس والناب = علشان مايجرح عميلك صيامه
على الله ياوقت ٍ جمع شايب وشاب = انا ماغبني غير دمع اليتامه
الحوووووت23-Nov-2009, 10:50 PM
إلى يامجلي في دجى الليل الضباب=تحقق لفرهود المخضرم حلامه
يبا يكحل الشايب وعمى العين ولاهداب=يحسب الكبر يعفيه دفع الغرامه
فرهودي23-Nov-2009, 10:56 PM
ههههه
صح لسانك وبيض الله وجهك
مضطر للخروج والقاف اخذ حقه
والمعذره على القصور
وتصبح على خار
الحوووووت23-Nov-2009, 11:13 PM
صح بدنك يافرهودي وبيض الله وجهك شاعر مافيك حيله العذر والسموحه على التقصير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
