قصة العرم مع شيخ قبيلة الشيابين وقصيده رائعه

السلام عليكم ورحمة الله وبركاته

اخواني الاعضاء مساكم الله بالخير كلن بأسمه
هذي احدى قصايد الشاعر جفين بن مقعد العرم الشيباني قالها في الامير المغفور له بأذن الله الامير ضاوي بن ماجد بن ضاوي بن فهيد الله يرحمه وفي الامير سلطان بن ماجد بن ضاوي بن فهيد امير شمل قبيلة الشيابين وفي الامير نايف بن ضاوي بن ماجد بن فهيد وكيل الفوج الثامن

قالها الشاعر بسبب سجنه في سجن امارة الرياض استفزع بأمراء القبيله الامير ضاوي الله يرحمه والامير سلطان وفزعوله وتم اطلاق صراحه بعد حضور الامراء في امارة الرياض بعد سلامهم على الامير سلمان بن عبدالعزيز حاكم نجد بنصف ساعه وقال هذه القصيده بسبب فزعت شيوخه

واسم شباب اللي مذكور في القصيده هو شباب العرم الشيباني

ولكم القصيده عساها تنال على اعجابكم

ياعيال هات القلم وادنولي كتابه ****تامر علي الهجوس ولا أقدر أعصاها
ياراكب اللي يخفف هم ركابه****وليا بغا ديرةٍ من ساعته جاها
عليه ذيبن سلالة ناسٍن ذيابه****اليا عطيته وصاتي ما تعداها
شباب حرٍ يصيد الصيد مخلابه****ووقفة خوية ترانا ماجحدناها
يلفي على اللي لياسماه هلابه****وله هيبةٍ من عرفها ماتحدها
زبون من يزبنه لا كثرت أنشابه****لو قدمه بحور للعليا تطا ماها
ضاوي على الجود دايم ماقفل بابه****عينٍ على الشط تفنا ما نضب ماها
حرٍ ولد حر طيبه طيب نجابه****أمير شمل القبيله حامي حماها
ماحده البعد دون جفين ماهابه****له فزعةٍ من طلبها ما تبا طاها
نوى السفر والتعب ماحسب حسابه****يبقى له المجد والأتعاب ينساها
وخاواه سلطان كل النعم باشنابه****وحماسة الطيب في سلطان شفناها
يقول لو صاحب المعروف عيابه****لو مابقى الا مواترنا عرضناها
عساه يبقى لنا ما طويت ثيابه****وناسٍ هذا ذخرها الفردوس مثواها
ونايف كما السيف الابتر بان مضرابه****تكلم الكلمة اللي صاب معناها
جليس حاكم على العليا شمخ نابه****أفكار يدلي بها وأفكار يقراها
ياشيوخنا ماكتبنا الشعر نصابه****الا نعد الحقيقة يوم عشناها
من يفعل الطيب يابن فهيد يجزى به****وفعولكم سابقة بالقلب ذكراها
ياعيال من يلزمون السيف بنصابه****من طلعة الشمس حتى الليل يغشاها
لا حمية المعركه ما هم برهابه****كم سابقٍ من سببهم طارت حذاها
ياخوان شرعا سيوف النصر واسبابه****من يبذل الطيبة للناس يلقاها
تقبلوا من جفين العرم ترحابه****ياعزوةٍ يرجف الخافق لطرياها
الحمد للي جعلني وسط هألابه****لو ضدني بعضها ندمح خطاياها

وسلامتكم

والله ونعم


لاهنت ياسلمان على القصه والقصيده الرائعه

والفعل الطيب مايستغرب على اهل الطيب


محبك

ونعم والله بلاد مشيب



لاهنت يالعرم

ماعليكم زود ونعم فيكم

والله ونعم


لاهنت ياسلمان على القصه والقصيده الرائعه

والفعل الطيب مايستغرب على اهل الطيب


محبك

لاهنت على القصه والقصيده

تقبل مروري

بيض الله وجهك على نقل القصه والقصيه ونعم والله بالشيابين

اخواني الاعزا

محمد العتيبي

ابو مرحبا

خالد بن مورق

اشكركم على مروركم يعطيكم العافيه

لكم مني اجمل تحيه

لاهنت على القصيدة يا العرم مشكور واخص الشكر عبداللة جفين العرم

صح لسان قائل القصيدة وبيض الله وجهك

تقبل مروري ..