سلام ياراع الشداد اللي على ظهر الذلول
سعود العصيمي25-Nov-2011, 12:56 AM
ابو عواض
مسيك بالخير واستلم
سلام ياراع الشداد اللي على ظهر الذلول = رديةٍ نبدابها الطاروق واسمع مايلي:
وراك ماتقفل على ام اجنيب بيبان الدخول = قدام لا تأكلك والاّ لاتلقيك الخلي.
جزاع العتيبي25-Nov-2011, 01:00 AM
يا سلام يالعصيمي
صح لسانك وفي انتظار ابو عواض
سعود العصيمي25-Nov-2011, 01:01 AM
مرحبا ومسهلا
ياجزااع
صح بدنك
فهد الشهيب الثبيتي25-Nov-2011, 01:06 AM
مساك الله بالرضا يابو طايل
يامرحبا ترحيبة ٍ تمشي على حسب الاصول=الله يحييكم ولا غير الله الوالي ولي
وراك مستعجل ترانا ندرس اوضاع الحلول=وان كان مافادت نجرد سيف ابو طالب علي
علي الثبيتي25-Nov-2011, 01:08 AM
الله الله
صح لساااااااااااااااااااانك يابوطايل وصح لساااااااااااااااان ابو عواض
فهد الشهيب الثبيتي25-Nov-2011, 01:10 AM
ارحب ارحب يابو فهد
يالله حيه
صح بدنك وشرفتنا بحضورك ومتابعتك ياطويل العمر
جزاع العتيبي25-Nov-2011, 01:12 AM
الله الله يالشهيب
اخر الطب الكي
صح لسانك
فهد الشهيب الثبيتي25-Nov-2011, 01:17 AM
يامرحبا ياجزاع
حياك الله
صح بدنك وشرفتنا بمتابعتك وحضورك الكريم
سعود العصيمي25-Nov-2011, 01:21 AM
هههههه
طيب طيب
مال الوعول الاّ العصا اللي تكسر قرون الوعول =هذه وعول ٍ مالها قدر ٍ رفيع ومنزلي!!
انته على جنبك جمال ٍٍ ماتطيح ابها الحمول = لاتهمل الموضوع حله قبل ناره تصطلي.
سعود العصيمي25-Nov-2011, 01:23 AM
اررحب اررحب
يابو فهد
صح بدنك
فهد الشهيب الثبيتي25-Nov-2011, 01:39 AM
الله الله
ترا الربيع الله يبارك فيك غير عن الفصول=وصدور خلق الله من الضيقه تفيض وتمتلي
بعض الجمال ان جا نهار ٍ فيه دقات الطبول=دليلها فالماقف الغصاب يشبه للطلي
جزاع العتيبي25-Nov-2011, 01:54 AM
والله الطلي احسن يستفاد منه :)
مازلنا متابعين الليل يالعصيمي
سعود العصيمي25-Nov-2011, 01:55 AM
العام نسمع ماتقول اليوم مدري وش تقول = بالله قلي يافهد وش قلت لك وش قلتلي.
يالتابعي منهجك منهاج الصحابه والرسول = واللي ماينهج نهجهم ماهوب واحد من هلي!!
فهد الشهيب الثبيتي25-Nov-2011, 02:03 AM
طيب طيب طيب
ترا كلام الصدق بعض احيان مايلقا قبول=واكبر دليل ان اتهاماتك تحولها علـيّ
دام المساجد واسم ربي ماتحول ولاتزول=الشافعي عندي تراه اليوم مثل الحنبلي
جزاع العتيبي25-Nov-2011, 02:08 AM
سعود
العام نسمع ماتقول اليوم مدري وش تقول = بالله قلي يافهد وش قلت لك وش قلتلي.
فهد
ترا كلام الصدق بعض احيان مايلقا قبول=واكبر دليل ان اتهاماتك تحولها علـيّ
صح لسانكم مازلنا متابعين
فهد الشهيب الثبيتي25-Nov-2011, 02:11 AM
يامرحبا ملايين ياجزاع
صح بدنك وشرفتنا مره ثانيه
سعود العصيمي25-Nov-2011, 02:23 AM
ياكثر حكيك مار مابرهنت حكيك بالفعول = راسك مغطيته عباته واللسان يبلبلي!!
الله يديم الآمن ويسلم متعبة الخيول = مار احمد النعمه ولاتنطق بمالا تفعلي.
سعود العصيمي25-Nov-2011, 02:27 AM
ابوعواض
الختام عندك
صح لسااانك وتصبح على خير
انا فالعمل والنت قفل الان
فهد الشهيب الثبيتي25-Nov-2011, 02:38 AM
حنا نعرف اهل الحكي واللي يفكون القفول=لي ماقف ٍ كل ِ يعرفه يوم ميحات الدلـي
لولاي جارك روّحو به فالبلد بنـي سلول=مارحت اشاور عاقل المرّه ولا شاعر بلـي
صح بدنك ولسانك يابو طايل وشرفتني بهالمحراف ومشكور على الدعوه وتصبح على خير انت ومن شرفنا بمتابعته
عبدالله جبارالعتيبي25-Nov-2011, 03:08 AM
سنجار المري25-Nov-2011, 04:45 AM
مشكورين على الطاروق
معنى ومغني
محمد الذيابـــي25-Nov-2011, 05:15 AM
صح لسااااااااااااااااانكــ يابو طايل,
وصح لساااااااااان ابو عواض,,
طاروق رائع ومميز,,,,,,,,
