الهاجس الطاروق

تعال نشوف من سبب وخلف فالضمير فتوق .... تعال نعيش دنيانا ونسعد و العمر فاني
انا لي قصتن باقصى الضماير حشت المعلوق .... ولاني بخبر القاصي ولاني بخبر الداني
اخاف من الهروج العوج تحرق والحشا محروق .... صحيح انشد مجرب قبل تنشد واحدن ثاني
الا يامزين المبسم ولا يامحسن المنطوق .... انا بشهد شهادة حق ماغيرك ملا اعياني
مصورك الولي ماشفت في تصويرك المخلوق .... بليت الخلق من قبلي وجاين تتبلاني
حرام تمر فالشارع حرام اطب وسط السوق .... خطير تموت كل الناس ولا يقطع لساني
الا ياسيد كل البيض كلك فن كلك ذوق .... لاكنك لا تجاهلني وتشقيني وتنساني
اخذ حقك وغيرك من يطالب واله معك حقوق .... ترا منته براع الملك ولا راعي الشاني
عسى ربي يبوقك كان فينا ناوين بالبوق .... مادام انا نجازي راعي السيه بالأحساني
ليا نامت عيون الناس غنى الهاجس الطاروق .... على درب الهوى عنيت هاجوسي وعناني
تتل القلب تلت من مسكه السايق المطفوق .... تعرض له سلاح الحد والرصاص عماني
عليه الطلق حامي شي فيه و شي جا من فوق .... مفادي والمفادي ماحسب ربحن وخسراني
وبختمها بذكر الله عدد مزنن يلوح بروق .... برق يم الشمال وعم سيله كل الأوطاني

الشاعر : نواف نايف هلال الحزيمي العتيبي