راشد النفيعي نداء عاجل ...المرجو التزام المعنى هههه

النفيعي عرفته من سنين خوالي
مير باق البعير اللي حموله غوالي
والله اني احبه حب عمي وخالي
والمثل قال ما للحملة ألا جملها.
#################

سلامي وأنا قبل عامين فاقد زميل=يا أهل الميادين وين ألقاه وسط الزحام
الواسط اللي يشد اخيامنا ما يميل=وان مال ما طاح لو طارت خفاف الخيام

هههههههههههههههههههه

صح لسانك يامطلق

بس يوم تقول التزم بالمعنى تبيني اطيح فالحفر حقتك اللي تحفرها

لالا.بعيد عليك ماني من الخبول اللي تمشها عليهم

انتظر ردي

مرحبا ياعميلي عد رش الخيالي
يوم رعده يدن ويوم برقه يلالي
والثبيتي حسبته واحد من عيالي
والمثل قال مال للحمله الا جملها

يامرحبا عد سيل ضاق فيه المسيل=من بعد نادى الثبيتي فز عمه وقام
جود عمودك وحذرا لاتغر الدليل=واحذر تبيض على راسك طيور الحمام

البقا يا العميل اللي عثر به حصانه
يوم جانا يهذري ما لجمه ولا صانه
والثبيتي حكيم وحكمته من لسانه
والمثل قال ما للحملة الا جملها
#########

احفظ عهود مضت،ماني سواتك هبيل=لكن باعطيك فرصة واحتزم يا همام
الله عطاك السمن والتمر،بن ن وهيل=وأنت تدور على الكسرة في شرق وشام

الثلاثه نقصهم واحد يعرفونه
ضنهم يالثبيتي مايخالف ضنونه
وانت رجال وانعم مايبي ينكرونه
والمثل قال مال لحمله الا جملها

اقوم لك بالزياره كل عام واحيل=واحمل لك الطيبه فالجيب والا الحرام
معروفنا ماندور من وراه الجميل=حيثك من اللي تشيل البندقه والحزام