موجز وتلخيص ،،،،،( للشاعر / عقاب المرشدي)

حاله قريص الهواى تحتاج تشخيص=لين المشخص يعلَم بالخلاصه
لو كان راع الهواى في حاله بخيص=ادرى بحاله ومضمون اختصاصه
مايقتنع بالظروف مهاوي الغيص=لين البحر يغرقه وقت اختباصه
انا الذي صرت من ضمن القوانيص=والله يعلم ويش آخرت القناصه
عزالله اني من اول كنت حريص=مار القدر ماعلاه من الحراصه
جابتني القدره بليا محاويص=مشيت سيده مثل ممشى الرصاصه
قصه مريض الهواى موجز وتلخيص=ياقاري البيت فكر فالخلاصه
تسعين فالميه ملاحظ نواقيص=في العقل خله وفي الجسم ارتماصه
يلي تسيطرت انا محتاج ترخيص=مار اعتق الروح من قبل انتقاصه
بالنجًل اللي تلاحقني تلاخيص=منها صويب الهوى كيف اختلاصه
وصفك يفوق الوصوف ولانت برخيص=يفوق عيد المزيني وصف شاصه
لاكنك اركيت فالكبد المفاريص=وكويتني كيتً فالقلب خاصه

أحسنت الإختيار وإبداعت

قصيده في منتهى الجزاله مقدره على الوصف

لك التقدير والإحترام

بيض الله وجهك يابن عاصم
والله لايهينك
على المرور الرائع

تقبل تحياتي