أخي المدخن تفضل اقرأ الموضوع..

السلام عليكم ورحمه الله وبركاته

مساء الخير

أخي المدخن...انا مانزلت هالموضوع الا لمصلحتك وانا والله اشفق على المدخن اذا شفته حاط الزقاره في فمه ويدخن والمصيبه الاعظم بعضهم يدخن قدام عياله..يأخي انت قدوه عيالك واهلك ليه ماتصير خير قدوه لهم ... ولاتستغرب اذا شفت ولدك بكره ماسك الزقاره قدامك وذا قلت له ليه تدخن بيقول لك وبكل تهاون وبروده انت بعد تدخن يابوي.وبعدها صدقني بتحسف وتقول ياليت وياليت ولاتنفعك كلمه ياليت..وتعض اصابع الندم

لو يجي واحد ويقول لك تبيع رئتيك بـ خمسه ريال بتقول هذا مجنون
وشلون تبيني ابيع رئتي لـك بخمسه ريال ..وتجلس تعاتبه


بس انت يالمدخن تبيع رئتيك بـ خمسه ريال..!!

اكيد تقول كيف ؟

انا اقول لك..

يوم تروح للبقاله وتقول هات بكت وتعطي صاحب البقاله خمسه ريال

وعلى هالحال سنتين او ثلاث سنين ويمكن شهور وايام وبعدها تحس بتعب شديد ثم تروح المستشفى وتفحص على نفسك ويقول لك الدكتور انت مصاب بـ سرطان الرئه..وش بيكون موقفك والله لتندم اشد الندم وتقول ياليت وياليت ولا تنفعك كلمه ياليت..اللحين عرفت وشلون تبيع رئتيك بـ خمسه ريال

وانا والله ماكتبت هالكلام الا نصحاً لك وارجو ان تتقبل نصيحتي بصدراً رحب


وانا جبت لك مقطع فديووو اذا لك قلب يستشعر وعقل يفكر ويتدبر أن شاء الله بتترك الدخان ..اما اذا مالك قلب وعقل .. فـ عليك السلااام

وهذا هو المقطع..ناظر وشاهد بكل حواسك


للتحميل (http://www.box.net/shared/qo6srmeok0)

أو

للتحميل (http://www.eatlime.com/download.lc?sid=8FD20E7C-D2EC-1E0C-5E86-FB5E38EB22BF)



اخوكم المحب/زياد المغيري

مشكور وجزاك الله خير على الموضوع ونسأل الله ان ينفع به شباب المسلمين

مشكور على المرور

بيض الله وجهك

جزاك الله خير على الموضوع