$$$هل ضاع تقدير الشيوخ$$$

اسيكم بالخير يالربع :

فيه موضوع لاحظته ويستحق المناقشه ارى ان شيوخ القبايل الان ماعد لهم

تقدير مثل اول وخاصتا اذا كانت( حالته مصلحه ) من الناحيه الماديه بعكس

اللي حالته الماديه ميسوره رغم مايتمتع به من شرف النسب والشيخه اللي

عقبوها جدوده له والان الاحظ ان اللي مايعرف اصله ومعطيه الله من المال

مايقال له الا الشيخ فلان وشيوخ القبايل الان اتحصر دورهم بالجاهيات

وهذه نقطه جيده الي الان وهم يحتفظون بها واريد رأيكم يالربع لاهنتم

واحب ان اذكر ببيت الشريف بركات في قصيدته المشهوره:

لاقل مابيدك ربعك وخلوك**************مرو ولاردو عليك السلامي


$$$$ودعوه لكم يابناء عمومتنا عتابه ادعوكم لزيارتنا في مجالس حرب

ونتشرف بزيارتكم لها حتى نكون شبابه بالتواصل فيما بيننا .

الشيخ لو تدور الدواير ويعارض اللي يعارض كذا ولا كذا تبقى شيخته والله لويجيك البقر مدحدر من الز(ق)ديه على قرونه وعلى ماقيل
كلن يرجع لساسه
والدراهم هههههههههههه هين هذى وجهي والله ليجيك يوم و تشوف اهلها اللي رفعتهم يسحبون بشوتهم وعلى باب الله ياكريم؟؟؟؟؟؟؟؟؟؟؟؟؟؟؟؟؟؟؟؟؟

حياك الله اخوي دهام وعز الله ان كلمتك هذي

كفت ووفت وانا من الناس اللي جربتها لان اللقب

اللي دخلت فيه للنتدى حقيقي لاني فعلا من شيوخ

حرب اللي عليهم العلم بدون فخر وكلمتك بلسم يشفي

من الجروح ويعطيك العافيه.

حياك الله يا شيخ حرب وجزاك الله خير على هذه النقطه

اقول والله اعلم ان تقدير الشيخ لم يضيع وانما قل والسبب هو ان الشيخ لم يعد له تلك الاهميه التي كانت له في السابق من حل وربط وغيره ...

ثم ان الشيوخ انفسهم اصابهم ما اصاب بقيه الناس من تضييع لسلوم العرب وعاداتهم