قصيده ارجو ان تنال على اعجاابكم

السلام عليكم ورحمه الله وبركااته

قصيده قديمه عسااها تكسب رضااكم ::



مـاطاعني وقتي لاكن والله مـــاطيع = والله ماطيعه وهاذي طبيـــــعه

رجـال طـاعو بس سارو جــــــــرابيع = ماني بطايع له وجايع وجيــعه

وانا خــــوي الــذيب راع المــشاريع = ولا الردي واقد بكبدي وليـــعه

مع النشـاما اشري الطيب وابيـــــع = ومن باعنى باطيب ياسهل بيعـه

شـاعر وماهر رافع النفس ترفـــيع = واسبح مع الشعار سبحه سريعه

واطرب بفعلي لابـسات الدراريـــع = واقهرك يالي لك علومً وظيــعه

وذكري مع الي ينطحون المفـاجيع = واكرم عن الي كل شيً يريـعه

وبارواحــنا دون القـرابه مـــــوانيع = وبفـعالنـا حنا رجالً مـــــنيعه

والجار لـــــه حقه وحنا له نــــشيع = يبـشر بـعزه كلنــا له دفيـــعه

والضيف له واجب وحنا مــــطاويع = ولكل ضـيفً لــه كرامه رفــيعه

والي يعـادينا يشــوف المــشانيع = نلعن شياطينـه ونلعن صنيـــعه

واستغفرك يارب من كل ماشيـــع = يالله عـسانا لك رجالً مطــــيعه

يارب وقتي يوم شرب القـراطيع = شرب الدماء شرب المياه السنيعه

ابكيك ياوقتً غـدى بك تنــــاويع = سـارت علومك لنشاما فـــجيعه

الوقت هاذا وقـت حمود و ظفيع = وقت الهبا وقت الخبا لي فضيـعه

لكن على الي له هبوب الذعاذيع = اني على طبعي وهاذي طبيـعه

على طبوع الي ( تمالو مع الريع) = يوم الحرايب والوقـايد وليــــــعه (1)


وسلامتكم ...
ملاحضـــه :
(1) الي تمالو مع الريع اجدادي الفـارس :: تويم المنخس والعقيد متعب المنخس

اخوكم الشـاعر :: محمد بن حمد المنخس البحيحي المري

لاهنت صح لساااااااااااااانك
قصيده راااااااااااااائعه
تقبل تحياتي

صح لسان قايلها
يعطيك العافيه على النقل

دمـــــــــــــــــت بخــــــــــــــــيــــر

الله يصح ابداانكم لاهنتوو على المرور

..
.

صح لسانك يالمري ..
وننتظر جديدك
...

..

الله الله يالمري ..

صح لسانك يالغالي ..

و وآصل ابداعك ولا تحرمنا من جديدك ..

:)

أخوك

الله يصح ابداانكم


وابشروو بكل خير

ولاهنتوو على المرور

صح السانك ويعطيك الله العافيه






وتقبل تحياتي

صح لسانك يالمري ..
وننتظر جديدك