راحت بحفظ اللي كفل رزق الايتام=الله يسامحها وراء ماحترتني ؟ (مشعان البراق)

مــشــعـــان الــبــراق


سنين مرت .. كنها قطعة ايام=راحت من سنيني ولا ودّعتني
اللي بقالي منّها .. روس الاقلام=ذكرىً تذكرني بـمن خالفتني
جيت الديار اللي من العام للعام=ازورها .. وأطلالها موحشتني
صدفه .. وكم جرحٍ بعد غفوته قام=عرفتها يوم انها عارضتني
وقفت مابين الحقايق والاوهام=مرت علي الذكريات .. وخذتني
لحظات في عيني مثل طيف الاحلام=اللي لـ( هذاك ) الزمن رجعتني
لـ( ايام ) .. ماكنّا نفكر لـقدّام=يوم اني ارجيها .. وهي راجيتني
راحت بحفظ اللي كفل رزق الايتام=الله يسامحها .. وراء ماحترتني ؟
راحت ونكّست البيارق والاعلام=وقنعت يوم ان السلوم اجبرتني
اليوم مرتني تخطّى بالاقدام=عدت علي .. وكنها ما اعرفتني
ماكنها اللي خلت ضلوعي حطام=ولاكني اللي قبل اسافر بكتني
مدري اعرفتني ! بعد خمسة عشر عام=والا انها بعد كبرنا .. نستني ؟

منقووول

http://www.sndoqy.com/uploads/4f6ca71eac.bmp

صح السانك والسان مشعان البراق

والله يعطيك العافيه

تحياتي

شـــــــــــــــــــــــــــــــاعر أبو محارب :
جيت الديار اللـي مـن العـام للعـام
.............................ازورهـا .. وأطلالهـا موحشتـنـي
بيض الله وجهك يافيصل ..........

فيصل المسعودي عزالله إنك كويتني بهالقصيده
صح لسان البراق

مدري اعرفتني ! بعد خمسة عشر عام
............. والا انهـا بعـد كبرنـا .. نستنـي ؟


مبدع وشاعر عذب .. / مشعان ..


فيصل المسعودي .. / اختيار رائع .. ان دل على شيء .. يدل على ذائقتك الشعريه المميزه ..

كل الشكر..