22-Jan-2009, 10:49 AM
زين شب النار في جواً خلاوي --- مخضراً نبته عقب ماجف سيله
فوق شب النار انا قلبي شفاوي--- في فياضاً تبري الكبد العليله
زين صب الكيف والتمر الحساوي--- وازناً بنه ومسماره وهيله
للعلوم الطيبه عندي طراوي --- مع نشاماً طبعهم كسب الجميله
الرجال اللي بعيدين الهقاوي --- كاسبين الطيب والنظره طويله
ذي منايه يوم كلاً له مناوي --- لو كلاً ماكسب مايمتنيله
الرياض ابزحمته سبب غثاوي --- ودي اشرح خاطري يوماً وليله
ماحلا رمي العمايم والغناوي --- والسواليف الثمينات الجزيله
السوالف عن شليويح العطاوي --- والرجال اللي مواقفهم ثقيله
يوم زيل الستر عن مبسم مضاوي--- وعتلاج الخيل وسيوفاً صقيله
في نهاراً فيه ياكثر ا لعزاوي ---- ماقفاً يصعب على الناس الذليله
خير لي من مجلساً اللشين حاوي--- مجلساً مافيه قيمه ليش اجيله
مجلساً مايجمع الا كل غاوي --- مايجيب لصاحبه غير الفشيله
والله اني عنه من طبعي غناوي --- والكلام اخير من كثره قليله
رشيد بن صنيتان الذيابي
فوق شب النار انا قلبي شفاوي--- في فياضاً تبري الكبد العليله
زين صب الكيف والتمر الحساوي--- وازناً بنه ومسماره وهيله
للعلوم الطيبه عندي طراوي --- مع نشاماً طبعهم كسب الجميله
الرجال اللي بعيدين الهقاوي --- كاسبين الطيب والنظره طويله
ذي منايه يوم كلاً له مناوي --- لو كلاً ماكسب مايمتنيله
الرياض ابزحمته سبب غثاوي --- ودي اشرح خاطري يوماً وليله
ماحلا رمي العمايم والغناوي --- والسواليف الثمينات الجزيله
السوالف عن شليويح العطاوي --- والرجال اللي مواقفهم ثقيله
يوم زيل الستر عن مبسم مضاوي--- وعتلاج الخيل وسيوفاً صقيله
في نهاراً فيه ياكثر ا لعزاوي ---- ماقفاً يصعب على الناس الذليله
خير لي من مجلساً اللشين حاوي--- مجلساً مافيه قيمه ليش اجيله
مجلساً مايجمع الا كل غاوي --- مايجيب لصاحبه غير الفشيله
والله اني عنه من طبعي غناوي --- والكلام اخير من كثره قليله
رشيد بن صنيتان الذيابي
