ياناقتي خمي حي السفارات

هذه قصيده من محاولاتي الشعريه
بمناسبة زواج راكان بن خالد آل حثلين وفقه الله


مهداه للشيخ القدير ورجل ألأعمال // مشعل الحثلين حفظه الله


صاحب قناة الصحراء الفضائيه المتميزه .
ياناقتي خمي حي السفارات = وتنحري لك يم قصر الثقافه
حط الجدي ورى حوض الفروتات= ألأبيض اللي محفي له اخفافه
نبي نشارك ربعنا بالمسرات = وقت اللوازم ماتجينا انحرافه
نمشي لهم لوطالت فينا المسافات= لو هو على رجلي وفيها كلافه
مبروك يالحثلين مرات ومرات=ياهل السيوف الحدب واهل الضيافه
ومبروك يامشعل بدوي الحضارات=شيخ المكارم زايد(ن) في لطافه
ولكم من روق وبرقا تحيات=ومن ديرتي بقعاء تردد إهتافه
ربعي عتيبه عند كل المجالات= بالصف الاول حين يبدأ اصطفافه
ومرحوم ياراكان زبن الونيات=مجد به التاريخ ويا الصحافه
وصلوا على المختارفي آخر ابيات= اعداد رمل امليجه مع اللصافه

وسلامتكم / غازي جزاع البقعاوي
الاثنين / 23/10/1430 الجبيل

الله الله


وانت سالم وغانم يابو جزاع

صح لسانك وشرفت يالغالي

ويستاهل الممدوح المدح

محبك