ما بقى شي ينقال !( مصافحه ثانيه )

السلام عليكم ورحمه الله وبركاته

اسعد الله اوقاتكم يا عيال عمي ويا اعضاء هذا الصرح الشامخ
هذي مشاركتي الثانيه اتمنى انها تجملني بينكم


صلو على النبي

[size=4]


الطيب متعب والجمايل مخاسير
ومن يجهل الثـنـتـيـن ماهو بـرجال

ترى المراجل ما تجي بتـيـاسيـر
المرجله يبغا لها أفعال و أفعال

الوقت كده في طويل المشاوير
والعمر فاني والتفاني للبـطال

الطيب حرن والرخامه عصافير
طيور لكن فرق( قدره) فالعماال

الحر تطربله قلوب الصقاقـير
ويلقى مكانه بين هامااااات الاجبال

والطيب حصري للوجيه المسافير
ولا الردى ماجود في كل الاشكال

وش فايدة رجل(ن) يعز الـدنـانـير
لا صار قدره بين الاجـواد بريال

احرص على خوة رجال(ن) مشاهير
من شان تذكرك البراعم والاجيال


الضيف له حشمه وقيمه وتـقـدير
من قبل ما يشرب من الكيف فنجال

والصبر مقياس الرجال المناعير
ترى الصبر يفتح لك ابواب واقفال

واحلم ترى حلمك يغيض الحواشير
ويزيح من دربك غثا كل سلال

والظلم راعيه حياااااته معاسير
لا وفقه ربي ولا طااب له فال

فالوالدين احسان من دون تقصير
تلقى جزاتك وقت تقييم الاعمال

وكبر لربك كل ماوحيت تكبير
وقضي فروض الله في كل الاحوال

واياك من طرد الهوى والغنادير
تراك ( ..) مابها علم وجداااااااال

يا صاحبي والشعر يحتاج تفكير
من شان لا تطلع بـيوتاته هزااال

ما قول انا فشعر ضمن الهوامير
قريحتي فشعر مستورة الحال

وترى القرايح تختلف فتعااااااابير
على حسب مخزون علمه ولمثال

ما كل شاعريستحق الجماهير
ولا كل مهره صاغها راس خيال

شعر(ن) يلاقي بين الاجواد تاثير
وشعر(ن) يجي ويروح ماكنه إنقال

احد(ن) يغني للهوى فالمزاامير
وانا اهوبل للمطاريش هوبااااال

لا تحسبني (بخير) وان كنت في ( خير )
ولا تحسب إن الضحك من راحه البال

اضحك ليامن شفت حقد المقادير
اللي تعنيني من الجااااال للجاااااااال

في ثوبي الواسع تضيق الازارير
(وتخنقني) العبره ليا شفت الامال

انا علاجي ما لقوله عـقاقـيـر
رغم التطور واصل(ن) حد الاهبال


ياليت لي جنحان ياخوك وأطـير
وسج من كبت الماشاعر والاغلال

ولا فياضن كلبوها نواويرررر
ماغير انا وياي شيله وموااااااال


احد(ن) حياته كلبووووها تـبـاشير

وانا حياتي
.
.
.
حمدلله ...(على الـحـال )

الحظ مقفي واللياااااااالي دواوير
ولاكل ما قد صار يازين ينقاااااال


وسلامتكم

عبدالمحسن العصيمي

لا تحسبني (بخير) وان كنت في ( خير )
ولا تحسب إن الضحك من راحه البال

اضحك ليامن شفت حقد المقادير
اللي تعنيني من الجااااال للجاااااااال

في ثوبي الواسع تضيق الازارير
(وتخنقني) العبره ليا شفت الامال

انا علاجي ما لقوله عـقاقـيـر
رغم التطور واصل(ن) حد الاهبال


...
بيض الله وجهكــ وصح لسانكـــ

ووجهك ابيض صح بدنك

عبدالمحسن

قصيدة رائعة

من شاعر متميز

تجلت بها الحكمة و المقدرة الشعرية

و هي مصافحة رائعة تجعلنا في شوق للمزيد

صح لسانك و دام هطول أمزانك

وفقك الله

عبدالله الفرهود صح بدنك ولا هنت على المرور الطيب

اللهم صلي على نبينا محمد

-------------

وترى القرايح تختلف فتعااااااابير
على حسب مخزون علمه ولمثال

ما كل شاعريستحق الجماهير
ولا كل مهره صاغها راس خيال

شعر(ن) يلاقي بين الاجواد تاثير
وشعر(ن) يجي ويروح ماكنه إنقال


صح لسانك على هذه المصافحة الرائعة بروعة صياغتك لها

ننتظر القادم بشوق

وفقك الله

يا مال العافيه يا ذيب وصح بدنك ولا هنت