حضرت اشارك بحفلن ينومس ربعي العتبان

السلام عليكم ورحمة الله وبركاته





هذه القصيدة التي تشرفت بألقائها فالامسية التي اقمتها في حفل تخرج ظباط قبيلة عتيبة من كلية الحرس والوطني في العاصمة الرياض يوم الاربعاء19/6/1431هـ مع الشعراء الكبار شعراء المليون نايف بن عرويل^ وملفي بن عون ^ونايف معلا.



اتمنى ان تنال على رضاكم واستحسانكم,,











بإسم من نزل التوراة والانجيل والقران=على رسلة وخاتمهم شفيع الناس يوم الدين

بإسم من تحت حكمة يخضع المامور والسلطان=وتحت أمره خلقنا للعبادة من تراب وطين

بإسم ذات الانافة والكبر بإسم الله الرحمن=بدا قولي وأنا عن لازمي ماني قصير يدين

أنا والحمد لله شاعرن يثبت على الميدان=مثل مايثبتون أهل العزاوي فالنهار الشين

كتبت الشعر فأهله ماكتبته لجل مال فلان=ولاغروني الشعار والنقاد والغاوين

أخذته عشق واستوطن فصدرن هايم وطربان=ولا ابغى من وراه الا الجماله والمقام الزين

ابيه ينومس ربوعي ابيه يدله الظيفان=ابيه الي ليامني دعيته يوفي الوافين

قسم بالله ماعنيت خيلي جايع وعطشان=ولاجيت الرياض اشكي من صدوف الفقر والدين

لاوالله جيت في لازم ولي مقصد وأنا عجلان=عسى ربي يجملني يابن جامع مع الجمعين

حضرت اشارك بحفلن ينومس ربعي العتبان=حفل من وصلوا نجوم المعزة وأصعدوا مقفين

حفل تخريج ظباط القبيلة شلوة الفرسان=نسل من حازو امجاد الفخر بالسيف ابو حدين

شغاميم العيال ألي لهم وقفة وصيت وشان=مثل جدانهم وابوانهم بالطيب ومسمين

اهنيهم وأزف ألهم من الوجدان للوجدان=تهاني عزوتن من ساسهم بالطالة مضرين

تهاني مسقمين الضد ييوم الحرب والاكوان=صناديد الرجال ألي تقف وتطوع العاصين

عتيبة!! وأن بغيت امدح عتيبة تشهد العدوان=قبل مايشهدون اصحابنا الوافين والغالين

عتيبة!! وان ذكرت اطرف مزاياهم مع القيفان=تشوش الروس والتاريخ يخضع والفروق تبين

طحاطيح القروم ألي ليا ثاروا كما البركان=قويين العزوم ألي حماهم مثل سور الصين

كريمين السبال ألي عطاهم كنه الهتان=حميدين الخصال ألي ذراهم يحمي التالين

اكابر نجد وأهل المجد وأهل الخيل والذيدان=وأهل عرف وشعر وسلوم وختوم وهلا واهلين

يطول المدح فعتيبة وياقف وقفة الشجعان=مثل وقفة فهد والا مثل وقفة صلاح الدين

بدون قصور فالعربان والا شكة ونقصان=حشى لله كلن له فعوله فالعسر واللين

مشينا فالدروب اصحاب لابالله ربع واخون=تحت ظل الشعار ألي رموزه نخلة وسيفين

شعار الدولة ألي ماحمها طاغي وخوان=تعاقبها ملوكن تفتخر في خدمة البيتين

عيال معزي ألي في زمانه وحد الشتان=وكون دولتن عظمى على راية بدر وحنين

حكمها من ظلاعين الحديثه لاجبل دخان=ومات وبقية الدولة على الطالة ليا ذلحين

فظل عياله ألي فعلهم يرجح به الميزان=ملوكن عهدهم فأرقابنا مادامنا حيين

فظل اخوان نورة ياوطن والله ماتنهان=ولاتسلب حقوقك فالضحى وأهل الوفاء واعين

مادامك في ذراهم لاتشيل الهم والاحزان=ترى من حاول يزعزع كيانك جاهل ومسكين

وش ألي يجبره فالوقت يعرض راسه لشامان=أثر بعض العرب يحرث لموته كنه أم اقرين

تطمن ياوطنا لايهمك بارد الذرعان=تبا تبقى على الطالة مادام اهل الوفاء باقين

وصلى الله وسلم عد مامالت غصون البان=على محمد رسوال شفيع الناس يوم الدين









شعر..ابراهيم الزراقي

وعليكم السلام ورحمة الله وبركاته ،،






وعزَ الله إنَك مبدع هالليله ،، ويشهد الله على إنَك نلت إعجابي من بين كل الشعراء ،، وبدون قصور فيهم ،،




مير إجتهادك وإنفرادك بالقصيده التبريكية العملاقه تكفيك عن ألف قصيده يالذيب ،،




قسـم بالله ماعنـيـت خيـلـي جـايـع وعطـشـان=ولاجيت الرياض اشكي من صدوف الفقر والدين

لاوالله جيت فـي لازم ولـي مقصـد وأنـا عجـلان=عسى ربي يجملني يابـن جامـع مـع الجمعيـن

حضـرت اشـارك بحفلـن ينومـس ربعـي العتبـان=حفل من وصلوا نجـوم المعـزة وأصعـدوا مقفيـن



وعزَ الله إنَك نومست وشرَفت ربعك ــ وكفو ،،





وااافي وقصيده وافيه ومحبووووووكة من أولها لآخرها ببساطة وسلاسة وتتآبع يفوق الوصف ،،


وبدون أي مجاملة هذي الحقيقه ،، أنت شاعر جزل ولك كرسي خآص فالقريب العاجل بين الشعراء الكبار ،،



ونلت على إعجاب الكثيرين ،، وأنا منهم ،،



إلى الأمام ،، ياكينق :)



كل الشكر

صح الساااااااااانك شعرنا إبراهيم الزراقي

قصيده شامخه بشموخ شاعرها بيض الله وجهك



تقبل تحيااااااااااااتي

جزيل كماعهدناك ياابن خلف ولاهي غريبه الجزاله عليك

الله لايهينكم على مروركم العطر كلكم ولي عود بالرد على كل واحد منكم

صح لسانك يالغالي


وبيض الله وجهك

صح الله لسانك وباالتوفيق للخريجين

صح لسانك يالزراقي


رائعه تستحق الاشاده

ابراهي الزراقي


كفيت وفيت ..


صح السانك

ومبروك للخريجيييييين .

صح لسانك لين ترضى