سلام لعتيبه الحضار والغايبين

ســــــــلام لعتيبه الحضـــــار والغايبين --
قومٍ نهـــــــــار الفعايل تعــــــرف فعولها

احمـــــــل تحــــية وفا للعزوه الغانمين--
عن "غامد" اهل الشيم والطاله اقولها

يامرحبا يالعميل الي كلامك ثمين ....ترحيبتن مابطل فالوقت مفعولها


انتم وحنا رجالٍ كلنا طيبين ... وايضاّ وكل القبايل مانقص طولها

الله الله ...

بداية موفقة ورائعة ...

أكملو واحنا متابعين ...


؛ نقل الموضوع لقسم المحاورة ؛



تحياااااتي

المسري

<<<< صقر تهامه

وفقك الله يالغالي

وانا في صفك ولايهون العتيبي ولد العم


بالتوفيق

دام البقا وادخل الميدان عينٍ لعين --دلة كرم ما قصر من دونكم دولها

انتم وحنا رجال الفهد دنيا ودين -- نعدّل عٌصاية العدوان ونهولها

مرحبا مليون يا صقر تهامه
وجودك يشرفني ، رسالتك وصلت وكلنا بني عم وربع ورفاقه

تسلمون يالربع

واصلوا وحنا متابعين


تحياااااااااااتي

ياحيّاك الله يالغامدي

نتشرف بتواجد معنا

الله يحييك ويحيي بدايتك الطيبة

واصلوا الله يعطيكم العافية

الدلبحي :مشكور على المرور
فهد الشيباني : الله يبقيك ويطول عمرك وانا والله اللي اتشرف بوجودي معكم
وانا في انتظار عتيبي نجد

مشكور يالمسري....
ولد العتيبي.

اصبر عليّه شوي وكل قاسي يلين ... لين السحابه علاكم تمطر أثعولها انتم رجال الفهد من ماضيات السنين ... فالسلم والمعركه لن دقت أطبولها

المسري

يامرحبا اقولها ياأهل الوفا الطيبيين **** عن ربعي اعتيبه الهيلا لمن جولها

ان جبت النا السمينه مالك الا السمين **** يامرحبا في بني غامد ومرسولها

ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها

اوصيك ياصاحبي ترجع ورا خطوتين * احذر تقرب من العتبان وافحولها
حنا قبيلة شجاعه من قديم السنيــــن * والعازه اللي نبيها لازم انطولــها

حياك الله ياولد العتيبي
والله يخارج منكم يا عتبان كل ما رديت على واحد طلع لي واحدٍ غيره
لكن اسمع :
وواوصيك يا صاحبي تتبع طريق الثنين -- قدام بنت العبيه تكبر حمولها
ما اذمكم مير به فالقوم خشمٍ وعين -- الخشم والعين قل لي ويش مدلولها

الحرب انا خضتهاوالجنب جنب متين واقدراميز مابين الحيه وزولـــــها
اصابعك تختلف ماتستوي يالفطــــين وسطى وسبابه ومتغير طولـــــــها

ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها

الله الله


أصبر شويه ولابد الخوافي تـبـيــن -- وشـعـيل ماهـمه العـربان وحـمولها
ان كان جاتك عتيبه استعن بالمعين -- ياقشر من جاته اعتيبه مع سيولها

الله يجمل احوالكم يا عتبان
والله العظيم اني استانست معكم
لكن الدعوى طالت وانتم كثرتوا علي وابشروا بالخير في الجايات

يعطيـــــــــــــــــــــــكم العـــــــــــــــــافيه

المســــــــــــــــــــري الغامدي و عتيــــــــــــــــــبي نجد صح السنتكم

واصــــــــــــــــــــلوا

...
الاخوان الذين تدخلوا فالمحاوره
مايجوز ياحبايب وليس هذا هو المتعارف عليه في المحاوره
المحاوره بين شاعرين وهم المسرّي وعتيبي نجد..
وعلى الاخرين المتابعه والتشجيع هذا هو اللي ينبغي..
المسرّي وعتيبي نجد واصلوا وحنا مستمتعين
واي مداخله خارجيه سوف تحذف
مع كل الاعتذار
هذا من اجل نعطي الشعراء مجال للابداع.
تحياتي

السموحه يالربع
على مشاركاتنا معكم