ماغاب عني قط

ياناس ياعرفين الحب ومن صابه=وعارفين تاريخه من أيام منسية
وعارفين مالوجدان والحزن واصحابه=من هم وغم وغبون لوعات نفسية
ترتاح نفسي يوم يوصلني واغنابه=لو طرى بالحلم ترى الروح مرضية
قرير العين من عاش ولافارق احبابه=أوثق وصال الفكر دايم على النية
ماغاب عني قط لو غاب أنا ادرابه=مقدر ولو محجوز له حشمة وماوية
راع العيون السود عليه العين صبابة=منها جرى سيحون ودجلة وفراتية
عيون تذكي النار واهوال باهدابه=ممشوق وفارع طول رمح الردينية
راحت حياتي غصون بيدين حطابه=الماء شحيح اوقوت والمسحاة مثنية
ليت الطبيب يشوف علاتي واسبابه= ويشيل مايضنيني يخفي كل حيثية
ويمكن لو راح يعود للقلب وماسابه=لانه ناداني وواالم الصورة المبنية
يامنتدى العتبان وللعلوم كسابة=وللطيب فيكم لون والفزعة عتيبية
ياحمى البيت الرفيع أطناب وأقطابة=كل الشموخ إجلال هيبة وغارية
يوم البرايا تصول عادين وحرابة=اسئل هل الميدان وأسئل هل الفية
تلقى الحقايق نصع في وجه وثابة=تتبع سناها الشمس ونجوم ليلية
يامن يجيب النور وكل شئ بحسابه= افديه بأغلى الروح والروح مبلية
بس البلا بقانون وحدود وكتابة=ويوم المنى بقدوم أم الغوانية