سفر الدغيلبي و مستور العصيمي،، محاورة جديدة

محاورة لفتت انتباهي بقوتها جرت مؤخراً في مكة المكرمة في حفل عند قبيلة المقطة

سفرالدغيلبي
الله لو أيام مستور العصيمي تعود
وأشد حيلي وأشد القاف وألعب معه
ياقاضي المحكمة يلي طلبت الشهود
طلبتني شاهدين وجيت لك بأربعة

مستور العصيمي
الحمدلله بخير وعافية فالوجود
أنا ليا قلت قولن ياسفر تسمعه
بيني وبينك حدود ولاتعدأ الحدود
لاتستمع قوم قيل وقال والمعمعة

سفر الدغيلبي
والله ماأشوف من دنيا الغرابيل زود
غير العمل والعبادة مابها منفعة
قلوبنا بيض يامستور ماهيب سود
العهد ماننقضه والحكي مانتبعه

مستور العصيمي
الفكر محتار بين الصادرة والورود
يابو سعد لاتحسب الضيق مثل السعة
بعض الليالي سفر مثل البعير الهبود
وقلوبنا ياسفر في حبك مولعة

سفر الدغيلبي
العام قفيت مابين الجبل والنفود
والليلة أقبلت كنك شايفن مطمعة
أحارب أسود بسلاحي وأربي أسود
تلقى جنودي من الطايف ليا المجمعة

مستور العصيمي
أنا على ماعطاك الله ماني حسود
خلك مع الناس قبل تصير في مقطعة
إن أقبلت ياسفر ماعاد عنها صدود
أموري مسنعة وأمورك مسنعة

سفر الدغيلبي
أنته كفو لكن عنادك يغث الكبود
والله لو إنك مزارع هلكت المزرعة
وإن رحت أبا أشكيك ماشكواني ابن سعود
يقول جنب وفك السبع فالمسبعة

مستور العصيمي
النايمة نايمة بين الذرى والعمود
ماعاد تعطي ولدها غير بالمرضعة
الوقت يابوسعد هذا يبيح السدود
والحكم صارم ولايبغى لك مراجعة

سفر الدغيلبي
أثرك مثل ياسر اللي سمموه اليهود
كافح مية عام لين إنه لقى مصرعه

يعطيك العافيه

ولا هانو شعارنا