إن توفى فيحان القعياني مايبقى ناس نضحك علاها

محاورة جرت مؤخراً بين سفر الدغيلبي وفيحان القعياني في مدينة الرياض

فيحان القعياني
ياسفر قوم يامال الشحم لاتخفى
وانحر القمة اللي عالي ن مستواها
ودنا ياعتيبي بالحساب المصفى
من يبيع الثمينة من حلاله شراها

سفر الدغيلبي
ماتخفيت واللي صار لمطير كفى
كل ليل أدحم العدوان وألعن ثواها
مير فيحان غالي مانباه ايتوفى
إن توفى ماباقي ناس نضحك علاها

فيحان القعياني
أمس قمنا نسوقك يالبعير المعفى
وانشد أهل الصباحية ومنهو رباها
وأنت نجم ن على العتبان ولع وطفى
ماتضر الجبال اللي كبار ن حصاها

سفر الدغيلبي
أنت رجال تبغى الخير والخير قفى
فيه عربان ليت الموس يزلق لحاها
أنا شراي لولو وأنت بياع ثفى
يارجل رجع بضاعتك عنا وراها

فيحان القعياني
لحيتي وافرة وأنتم لحاكم تلفى
لفها موس أبو عرام ساعة لقاها
ياسفر لو ترقع حاضك اللي تكفى
الظمأ فالكبود اللي كثير ن ظماها

سفر الدغيلبي
عندك الشعر لاموزون ولامقفى
بس ترثع مع الشعار على عماها

مشكور يافهد لاعدمناك

بس كأن سفر قــــــاسي بالحيـــــــــــل