مساجله بين الشاعرين الكبار فهد مزيد ابن جبرين ومحمد الخس ((جزله جزله))

مساجله بين المدارس الشعريه فهد مزيد ابن جبرين ومحمد الخس


.
.
يقول ابن جبرين:
.
.
يامل قلبن فاخت الحب واخلج=والعين كن بجفنها الهزم لاجي
عينن لصافي دمعها الدم تزعج=عقب الفراق وتل خيط العناجي
لولا ضلوعي ضبه القلب لجلج=لجلاج طيرن مقتفيه العجاجي
اقنب قنيب اللي على المرح دوج=ذيبن حدوة مصلحين النعاجي
على اللذي يذبح هل الصنف وادعج =اللي جماله مثل ضوح السراجي
حبه بقلبي والحشا خجهن خج=كما يخج السيل روضن رواجي
جيت الطبيب وقاللي لاتعالج=الجرح هذا مايفيد العلاجي
الابمن كون بك الجرح يفرج=هذا صواب مفاصلن به اخلاجي
ويابوخلف مني خذى القلب الاغنج=قلبي تكسر مثل كسر الزجاجي
منه العرب قامت علّيه تفرج=من سبته كني بسوق الحراجي
ملهوف سدرن غض يعجبك وابلج=يعجبك زين مع جمالن هجاجي
ابو ثنايا صف مافيهن افلج=عليه قلبي مثل قلب العواجي
اللي عياله بالمعارك تداحج=يوم اختلط عج الرمك والكماجي
عين اشقرن شاف الحباري تدارج=لا لاوحله مع بطينن زراجي
ولو شفتها مره لمرباه تنهج =ويمكن اتسافر عند زين الحجاجي
.
.
رد الشاعر الكبير محمد الخس:
.
.
جاني من ابن جبرين خطن منهج=يشكي ويبكي ماتفيد المناجي
يشكي عليه من همومن تلاوج=تقدح بقلبه مثل قدح البواجي
من حب غضات الصبا فيه سوهج=لولاضلوعه يمكن القلب ماجي
ماعاد لك عنهن مطيرن ومخرج=مغرساته لابسات الخفاجي
وانا ملومك لو غدا قلبك فجج=يلومك اللي مايعرف المزاجي
يلومك اللي بالهوى ماتبرهج=ولاشرب من غرن لهن ارتواجي
عينت بصري يوم وسط الحرم حج=ثم جنب الكعبه وراح متناجي
كرع بخدن ريحت الورد به عج=لحق هوى نفسه وجاك متراجي
قالوا علامك قال من حج بي دج =انا لقيت الجنه اللي نراجي
وانكان تشكي يبن جبرين الاغنج=اللي نهوده مثل بيض الدجاجي
عادات مثله عنده النفس تحرج=كد حطن الطيار في حق عاجي
راع الهوى لو عن طريق الهوى سج=لابد من يومن يجيه انزعاجي
لاشاف زينن يعجبه قلبه ارتج=مثل البحر لازاد موجه وهاجي
خلن مدابيس الطنايا تلاوج= لاجالهن عند الطريح اللتواجي
هل الرماح اللي بها ريش وزرج=اللي نهار الكون تفضى المحاجي
هذا وماكثر من الهرج يسمج=والعارفه للعرف ماعنه راجي

الامير

اخي الامير

مشكور يا غالي

تسلم يمناك الامير أحسنت الاختياار

قصائد رائعه بروعة قائلها قصائد

تستحق القرأءه مراراً وتكراراً

أمتعتنا بقرأءة أبياتها الراقيه

ابوخلف دائما تعجبني قصائده الغزليه وتشدني كلماته التي تطغى عليها الكلمات القديمه التي نفتقدها في شعراء اليوم. ولاهان بن جبرين صاحب القصائد الجزله.

دمت ودام وجودك

الاخ الامير

ابن جبرين شاعر جزل والخس شاعر علم وشاعر غزل بالدرجه الاولى

تسلم على اختيارك وحسن المشاركه

ولنا عتب عليك لاتطول الغيبه

تحياااااااااااااااااااااااااااااااااتي

لاهنت يالغالي


اختيار اكثر من رائع


تحياااااااااااااااااااااااااااااااتي

يا مرحبا الف

فواز الشيباني
و
يجيلك يوم
و
الدلبحي
و
ابن نعيس


الله لا يهينكم جميعا

ومشكورين على المرور

الدلبحي اسمحلنا يالغالي

وابشر بتواصل انشالله


الامير