بعيدين الشبوح

قصيدة طيبة للشاعر / بدر بن هادي الحويمضي


والله إن اللي يداوي عن القلب الجروح . . . . . . خوة الطيب وللطيب تقدير وقار

الردي منبوذ يفرق عن الوجه السموح . . . . . . . مثل ما يفرق عن الليل بالضو النهار

الردي يا كثر شره وفي خيره شحوح . . . . . . . لو يشوف الخير بالناس عقله منه طار

قاصر بالناس خيره وفي نفسه شفوح . . . . . . . يا عسى راس الردي ما يزل من العيار

والله أني عارف الجد فرق من المزوح . . . . . . واعرف أهل الطيب واللي يعكسون المسار

وادري إن الطيب براق وسمي يلوح . . . . . . . صادق نوة ونـبات ريفي الديار

والفخر في عرفة الطيبين أهل الوضوح . . . .. . الضماير صافية ما بها ميل وهيار

الوفا والجود ميزة بعيدين الشبوح . . . . . . والصطاوه ميزة أهل الشجاعة والحرار

ما يهين النفس رجل علا فوق الصروح . . . . . . . . الرجال ألهم مكانه بمعنى الاعتبار

الرجل يقدح من الراس عن سره يبوح . . . . . . . . . عكسه اللي تحت ظل الغطا خلف الستار

بالأمانة ما يحفظ الأمان إلا النصوح . . . .. . . . . . ولا يصيب الراي من لا بالأريا يستشار

والرجل لا ضاف باله من اقرابه يزوح . . . . . . . . . . ويترجا خيرة الله من ديره لدار

الجمل ما يرتوي من تحت نطف نضوح . . . . . . . والقواعد ما ترسا على جرف هيار

والصويب اللي صوابه من الفرقا ينوح . . . . . . . . مبتلش بمصيبة ما بغا النوح اختيار

الخلايق كلبوها على سير السروح . . . . . . . . . والبقا لله والمنتظر دار القرار

والصلاة اختامها والقا مسك يفوح . . . . . . . . عد نجم بالسما والحصا وسط الجمار
منقول

الجمل ما يرتوي من تحت نطف نضوح . . . . . . . والقواعد ما ترسا على جرف هيار


صح لسانك وسلم بنانك

صح لسانك وسلم بنانك

الله يعطيك العافيه
ولاهنت ياغالي