سلام ردية تطير مع الطيور الطايرات

القريّب ياللحوات الغانمة

سلام ردية تطير مع الطيور الطايرات
........................... لها جناح ومخلبين وريش والمخرج ملي
اقولها من هاجس مرتاح ياهل الطايلات
.......................... من يشبك الاسلاك وسط الفيش ؟ والمخرج ملي

طيب طيب..

مبدأ كايف يالبرقاااوي..

وفي صفك دون مااعرف خصيمك..

يامرحبا من فارس ن يمشى على عز وثبات=وليا غزى يغزي بخيل وجيش والمخرج ملي

ياصاحبي ما طايرات الا وهن اموقعات= والعقل مايقبل كلام الطيش والمخرج ملي

راحت بك الايام ياعز العرب والحين جات
.................................... لكن دام الك البقا وتعيش والمخرج ملي
إن كان لك عقل ذهين وفطن ويحفظ الوصات
.................................. لاترتبش من نقطة التفتيش والمخرج ملي

قود المعاني يالعتيبي والسواير سايرات= وعتابه الهيلا خوال اقريش والمخرج ملي

الجدي وسهيل اليماني فوق راسك مرقبات= احذر يجي فالسالفه تشويش والمخرج ملي

تقول ياعتيبي ... أجل منته من اهل الموجبات ؟
......................... ما ينفعك لا ليه والا ليش والمخرج ملي
انا عيوني عاينت في عيونك انت الناعسات
...................... وفكرت أنا اسميك باسم عميش والمخرج ملي

ترى العقيمه ماتخلف لا عيال ولا بنات= واللي فقد يمناه ياكل بيش والمخرج ملي

ابا اطلب الله ياعرب والباقيات الصالحات= ياربعنا مشره على الدرويش والمخرج ملي

ياكبرها ياعبرها صارت علومك هينات
......................... لاتحسبنك معي تاكل عيش والمخرج ملي
خل السوالف راكده خل العلوم مصلحات
........................ وفكة ترى ياصاحبي مافيش والمخرج ملي

تفكون ياربعي عتابه يالسيوف المرهفات=الرجل اضنه ضاري ابخشيش والمخرج ملي

عز العرب راسي كما ترس الجبال الشامخات= ماهمه التهديد والتهويش والمخرج ملي