(((سلم على نخوة عتيبه وفزعتها)))

هذه رسالة جتني على الجوال اترككم معها ::


ان كان مافاز يوسف يالله الخيره=سلم على نخوة عتيبه وفزعتها
لكن اليا شب في رأس الجبل نيره=للحرب وعتيبه احترت حديدتها
الخصم من فعلها ينرح عن الديره=ينحاش من هيبة الهيلا وسطوتها
وللحرب يوسف ولد عاصم ضرب زيره=ويقول لي لابتن تعرف حموتها

(( والحر تكفيه الاشاره ))


ارسل رقم ( 48 ) على 82990 وارسل الرساله على كل عتيبي تعرفه

يبشرون بالفزعة ربعنا عتيبه


بيض الله وجهك يالثبيتي

الرساله وصلتني


ويبشر بالفزعه والله ولد العم


والله الله يا عتيبه تكفووون يا عصابه راسي


لا تخلون شعارنا


تراني سمعت ان فيه قبيله اعتقد ايماراتيه


جامعين الرياجيل فوق مليون درهم على ما اعقتد او ريال اذا كانت القبيله سعوديه


كله عشان يصوتون لشاعرهم


وانا والله يوم قريت الرساله على الشايب قال قرب لي الجوال وارسل للعصيمي


بس يالربع مدري الرساله تكون مره وحده


ولا على كيفنا نرسل كم مره ؟؟ ياليت تعطوني خبر



عتااابه يا محززمي لا تخلون العصيمي والقثامي



ولكم خالص تحياتي

بيض الله وجهك أخوي طلال .


ويبشر شاعرنا بالفزعه والله يوفقه وان شاء الله انه شاعر المليون .


ومثل ماقال يوسف :

ما دام موقفنا خطير وحامي === ما عـاد فيهـا غـيـر أشـد حـزامي

ما عـاد فيهـا ودي ولا ودي === الـمـوت خلـفـي والـبحـر قـدامي

الله يجملني وأجمـل ربـعي === من قبل تدفن في التراب عظامي



الله يجملنا معك يا يوسف ،،،
شد حيلك وربعك ما يقصرون ،،،

...

يبشر بسعده

على فكره ارسل
84744
لان هذا الرقم 82990 حسب المعلومات
والمشاهد على الشاشه الغي
..

مشكورين على المرور يابني عمي


بس يامرزوق الرقم موجود الى الان على قناة ابو ظبي ؟؟

جزاك الله خير يا طلال



ومثل ما قال محتميها

هل يجوز التصويت أكثر مرة ومن جوال واحد؟

مشكور يالنايع على مرورك ..

والله ماعندي خبررر والي عنده خبر يفيدنا

الله يوفقه , وتم التصويت , ابيات تحمس القارئ للتصويت , لاهنت يانواف


تحياتي

لاهنت على المرور يابن مشيب . .

يالربع بالنسبة للتصويت هل كل رقم له صوت واحد فقط

او مسموح تصوت لك على كيفك ؟؟

..
.

يالربع انتبهوا للرقم اللي ترسلون له
لايروح تصويتنا بلاش
قبل شوي فالقائمه الارسال عن طريق الجوال
على 84744
وطلال يقول في ابو ظبي على الرقم القديم
نبي الاكيد
..
لاني انا ارسلت تصويتي على 84744
..
مودتي

يالربع الرقم إذا كان صحيح يرسلون لك رساله


انك صوت

..
.

والله يابن نميان
كل تصويتاتي ماجاني رساله
..

السؤال هل من ارسل تصويته على الرقم
القديم جاته رسالة قبول ؟
...

انا ارسلت على الرقم 82990 وما جاني شي ؟؟

وش الرقم يابن نمياان ؟؟

السلام عليكم ..

طول الله عمرك يا راعي الموضوع ,, وابشر ترا الفزعة ما هي على عتيبة ,, والله ان الفزعة على عتيبة وبغداد وبادية العراق .. |197|

وبذن الله يتأهل صاحبنا ..

اما عن التصويت ,, التصويت مفتوح طالت عماركم ,, ولكل رقم او انسان حرية التصويت ,, الي يبا يصوت مرة الله يزيده ,, والي يبا يصوت ب 5 مرات (نشكره) ,, والي يبا يصوت ب 10 او اكثر (ياحيه) ..

اكرر التصويت مفتوح ,, وقد ما عندك فزعة صوت ..

يا شباب صوتوا ع ارقام قناة ابوظبي ,, ارقامهم اخير من ارقام الواحة ..

يا عتيبه يا الهيلا
لا تخلونه
و بامكانك يا خوي ترسل أكثر من رساله |199|

يالربع

باامكانكم تصوتون اكثر من مره عادي
ولاتبخلون

ترى الدعوى صايره حميّه
وكل شاعر مرتكي على قبيلته

والاخوان الي مايدرون هل تصويتم مقبول او لا؟

يمكنكم التأكد من رسالة الرد

اذا ارسلت وردوا عليك (شكرا للتصويت ببرنامج شاعر المليون
على قناة ابو ظبي)

معناها صوتك وصل

..
.

يستاهل وربعه اهل كرم
..
.

ابشر بالفزعه يابن رزاق بعزك


شاكر لك اخوي طلال هالمبادره الطيبه وماهي غريبه على العزوهـ عتيبه


اخوك


تركي الشربي

مشكورين يالربع ..

وهذي هي الهقوه فيكم ياعيااال العم ..


مير انا ارسلت ولا ردوا علي بشي ؟؟

وش السالفه يا وين التباشير ؟؟

..

ارسلت على الرقمين
ولم ياتيني اشعار بتلقى التصويت
..

عتيبه قدها وقدود

[صورة غير متوفرة]
[صورة غير متوفرة]

انا نفس الشعور يامرزوق ماجاني رد ؟؟

ويالربع ترى التصويت مفتوووح قد ماتقدر صوت


ولاهنتوا على المرور

ما دام موقفنا خطير وحامي
ما عاد فيها غير اشد احزامي

ما عاد فيها ودي ولا ودي
الموت خلفي والبحر قدامي

الله يجملني واجمل ربعي
من قبل تدفن فالتراب عظامي

هذي الارقام من الموقع الرسمي لشاعر المليون

للتصويت عبر الـ SMS:

الإمارات 2308 Etisalat
السعودية 82990 Aljawal
البحرين 95533 Batelco
البحرين 77092 MTC
قطر 2849 Qtel
اليمن 9131 SpaceTel
اليمن 5021 SabaFone
عمان 90282 Oman Mobile
العراق 1917 AsiaCall
العراق 9172 MTC-Atheer
الأردن 90184 Xpress
الأردن 91189 FastLink
الأردن 92389 MobileCom
الأردن 98188 Umniah
مصر 92461 Vodafone
مصر 92461 MobiNil

التصويت عبر الهاتف :

الإمارات 90001717 Etisalat
السعودية 70052299 STC
البحرين 90000761 MTC
عمان 12415 Oman Mobile
من جميع أنحاء العالم 97390000757+

ياشباب عطونا العلم الاكيد علي اي رقم نصوت انا صوت علي رقم 84744

لايروح تصويتنا بلاش

الرجاء المساعدة

بيض الله وجيهكم

كفو والله

ربعي عيبه من العارض ليا الحره === سقم المعادي ليا جا العلم مردودي



كفوا والله ياعتااااابه وبيض الله وجيهكم جميع وهذي الهقوه فيكم .

وصدق من قال : مال الحمول إلا جمالها ومال المواقف الا رجالها .




تحياتي للجميع ،،،


فهد العتيبي .

هذه رسالة جتني على الجوال اترككم معها ::


ان كان مافاز يوسف يالله الخيره=سلم على نخوة عتيبه وفزعتها
لكن اليا شب في رأس الجبل نيره=للحرب وعتيبه احترت حديدتها
الخصم من فعلها ينرح عن الديره=ينحاش من هيبة الهيلا وسطوتها
وللحرب يوسف ولد عاصم ضرب زيره=ويقول لي لابتن تعرف حموتها

(( والحر تكفيه الاشاره ))


ارسل رقم ( 48 ) على 82990 وارسل الرساله على كل عتيبي تعرفه



كل اعتيبي اعرفه والله واجدين اللي نعرفهم ........................ ابشر بعزك وانا اخوك