مرير الحبيل يمدح الشيخ غازي بن عتيق العضياني العتيبي بفوز ابله

مرير الحبيل العتيبي شاعر معروف لانه مختص بالشعر العامي النبطي ، وقد قال القصيدة التالي بمناسبة فوز ابل الشيخ غازي بن عتـيـق العضياني العتيبي على المغاتير بالمركز الأول على جائزة صاحب السمو الملكي الأمير مشعل بن عبد العزيز التي أقيمت بمنطقة القصيم يوم الأربعاء 8/8/1422هـ ، كما يمدح كذلك طيب قبيلة عتيبة :

يالله اني في حجاك من الظلايم
ياولي الكون يامحصى عبيده

الظلايم ماوراها الاّ الندايم
والخطا والظلم تنفاه العقيده

شوش ياراسي لفوز اهل الزعايم
وانشرح يا صدر فى ايامٍ سعيده

هندب الليله ترى مانيب نايم
لين ازين في بني عمي قصيده

ياولد مسحل نبى نرم العمايم
فازو العضيان يا نعم البديده

اشهد ان الفوز للعضيان دايم
والعتيبي فوزهم عيده وسيده

يوم هج الذود مع هاك الخرايم
جاك ذود اهل الوفا يتبع عقيده

يدّقل مثل البحر لاجاك عايم
ثم تقدم للمنصه جاك سيده

فاز عفر فالدبش مثل النعايم
فالمزاين قالت اللجنه فريده

فوزها فالزين واللون متلايم
مثل صيدٍ يفلس الي مايصيده

ذود غازي ماتعرض للهزايم
انشري فوز العتيـبي ياجريده

طبعكم ياهل الوفا كسب الغنايم
تكسبون الكايده لو هي مكيده

الغنايم جابها قو العزايم
والفعايل عز لصارت وكيده

انتم اهل الفوز في عصورٍ قدايم
تكرمون الضيف واللأرياء سديده

يالله بحظٍ مع العربان قايم
ومدةٍ ما مدها يدين زهيده

ونرجو ان تحوز على الاعجاب
------------------------------------------------------------------------
زماننا غير زمانهم وحتى نتذكر الاولين
اخوكم ابن نجد

بيض الله وجهك والشيخ غازي كفو ويستاهل وغني عن التعريف وإبله معروفه والشاعر مرير كفو وشاعر من فحول الشعراء شاعر الوصف المعروف والمتميز بإسلوبه المتميز وإلقاءه وجودة إختيارة للمفردات وأنا من أشد المعجبين بها الشاعر، وبيض الله وجهك ومشكور ألف شكر على هالقصيدة الطيبة من شاعرٍ طيب وفي رجالٍ طيب وفي حدث كبير ينومس القبيلة بأكملها وبيض الله وجهك ولا هنت يالغالييييييييييييييييييييييييي
أخوك/ الحر الأشقر

وصح لسان الشاعر

لا هنت على القصه والقصيد وتقبل مروري
مع تحيات الهضيباني