يالنّابغه سلّم على كعب وزهير

السلام عليكم ورحمة الله وبركاته

مساكم/صبحكم الله بالخير

هذه الابيات اشارك بها للمره الثانيه في هذا القسم بسبب سوء التنسيق

ونقصان شطر منها وخطأ في شطر آخر ومااستطعت التدارك والتعديل

اللي حصل فيها :rolleyes: واعتذر من اخواني مشرفي القسم والاداره

اذا كان في هذا مخالفه لنظام المشاركات ..العذرر والسموحه:)

اليكم هذه الابيات عسى ان ترتقي لمستوى ذائقتكم:


يالنّابغه سلّم على كعب وزهير=وانعى يابو الطيّب تراب البحتري
ياعمرو ابن كلثوم يومنّك تغير=سود الليالي يوم تسريها سري
سلّم على الاعشى فـ (حي ابن النضير)=سلّم على حسّان وانصى الاشعري
لو تعلمون اللي بحاضرنا يصير=صار القصيد بعصرنا غضٍّ طري
صار الشعر في وقتنا حفنة شعير=مابين مستشعر وبين المفتري
ياسارقين الشعر ماتلقون خير=شعرٍ تقولونه من اصحابه بري
شعر الجزاله عندنا سيفٍ شطير=شعر البداوه مايغنّيه حضري
احدٍ من اصحابه يخمّ ويستعير=و احدٍ بزود المال يقدر يشتري
وانا نظمت الشعر من راسٍ خبير=مارحت ادوّر في مكاتب سمسري
شعرٍ نظمته يوم انا عمري صغير=ماهمني قول السفيه المجتري
ان صار للأقلام في الدفتر صرير=هلّت مزون الشعر واعشب دفتري
يابنت ياللي ملبسك ماس وحرير=شوفي قصيدي وارقصي واتمخطري
قولي لهم شاعر ويتحدّى جرير=ويموت اذا عانق جديلي منحري
قولي وانا بكتب لهم انّي جدير=شاعر وافكّر واتخيّر مصدري
ان صار للشّعار فـ الساحه هدير=صبّي عليهم يالقصايد وامطري
يالنّابغه اكتب وردد يازهير=(تبّت يدا شعر السروق المفتري)



ابو بجاد ===>الشخص الوحيد اللي مرّ على الابيات في المره الاولى

(تحسب لك يالذيب وبيّض الله وجهك)

:)

صح لسانكـ ,,,,,,,,,,

ووجهكـ أبيض ,,,,,,,,,,

وأنت شاعر جزل وقصائدكـ جزلـه ,, من دون مجالمـه ,

صــح بدنك ابو بجاد

يالذيب جمّل الله حالك

وشاكر لك المتابعه الطيّبه:)

والمشاركه لها حول الثلاث ايام

والربع يشاهدونها ومامن ردود:rolleyes:

مخلف الهـقـاوي ..

صـح الله لسـانك.يالقرم وعلأ شـأأأأأنك...

لله درك والله لايضـرّك..

تقبل تحيات اخـوك / محمد العريدي
دمت سالما من كل مكروه .

شعر الجزاله عندنا سيفٍ شطير=شعر البداوه مايغنّيه حضري
احدٍ من اصحابه يخمّ ويستعير=و احدٍ بزود المال يقدر يشتري



مخلف الهقاوي صح لسانك

وابشرك لايزال الشعر بخير زال فيه شرواك

لاهنت على البدااع

محمد العريدي..

صـــح بدنك يالذيب

لاهنت على المرور الجميل

احتراماتي:)

راع العلطا

صح بدنك.. وشرواك الطيب

مافيه شك الشعر بخير

وفيه الجزل وشفته منكم

ومن باقي شعراء المنتدى

احتراماتي:)

شعر الجزاله عندنا سيفٍ شطير
شعر البداوه مايغنّيه حضـري
احدٍ من اصحابه يخمّ ويستعيـر
و احدٍ بزود المال يقدر يشتري


..
قصيده رائعه بكل المقاييس .. و من كل قلبي اتمنّا لك التوفيق
في كل احوالك .... لاهنت ....
اخوك ...

مديرنا..

يعلم الله اسعدني مرورك

وهذا يكفيني وشهادتك اعتز بها

احتراماتي:)