من جاب مثلك حي مايقاله مات = يا ابو بدر مثلك بها الوقت وينه

هذه القصيدة مهداة من الشاعر\ دخيل الله الجهني الى اللواء \عمر بن خالد الشيباني



مشكور يا راع الوفاء والجمالات= اللي لكسب الطيب عوّد يمينه
هذي فعوله من سنيناً قديمات = ريف الظعيف اللي وطنه سنينه
من نسل عوداً يوم كانت مجاعات= مايذبح الهزلات غير السمينه
تشوف في وجهه بشاشه وبسمات= اللي يجيله دوم يضحك جبينه
غديت عنده من حساب القرابات = لوكان شيباني وانا من جهينه
ماهو من اللي يجمعون الريالات= حسّابة الناقص ونقص الخزينه
من جاب مثلك حي ما يقاله مات= ياابو بدر مثلك بها الوقت وينه
ولخوانكم عندي جزيل الكرامات= اخوان لي وطيبهم شاكرينه
عساك تسلم ماتعرضك لوعات= يا مساعد المديون في سد دينه
واقبل سلامي ياعمر والتحيات = معروفكم محفوظ ومثمنينه

ولكم اطيب التحيات

الله يعطيك العافيه يا قوي العوازم

والظاهر ان اللواء/ عمر بن خالد الشيباني العتيبي راعي مواقف

وموووو بغريبه عليهم عتااابه

بيض الله وجهه

وصح لسان الشاعر دخيل الله

حياك الله
يالعتيبي المميز
واللواء\ عمر بن خالد الشيباني
ليس بغريب عليه هذا الكرم
فهو رجل كريم ابن كريم
ومن قبيلة مشهور بالكرم والجووود
فليس مستغرب هذا الكرم
فهو منبع الكرم والجوود
وشكرا

يستاهل المدح اللواء عمر الشيباني

وصح السان الشاعر دخيل الله الجهني


لاهنت على النقل الموفق

يستاهل والله ابوعمر..

وصح لسان الشاعر ..

وماقصرت على النقله..

صح لسان الشاعر

مشكور وماقصرت

يستاهل المدح ابو بدررررر

وماهي غريية عليه

فهو شيخ اين شيخ

ومشكورررر اخوي قوي العزوووم

ع القصيدة الاكثرررر من رايعة


تحياتي