يانجمة بين نباها !!!!!

يانجمة (ن) بيّن نباها مـن الشـرق=وش باقي(ن) عقبك من النجم شرقي
ردي على قلب (ن) تشوه من الحـرق=حارق ومحرق فيه بالصبـر حرقـي
في غرفـة التنويـم وجهـي تـزارق=من حال طفلي فيـه واللـون زرقـي
أمسح دموع العين وهرجـي تشـرق=واشرق برشفة ماي عشرين شرقـي
وأنوح تالِ الليـل وأجـاوب الـورق=وأسمع صدى نوحي على صوت ورقي
وارسم على بدع الهجيني من الطرق=واسري مع الهاجوس مع رسم طرقي
واكتم هموم الكون في داخلي سـرق=والهـم يسـرق فالمعاليـق سرقـي
طالبك ربي شافي(ن) منقـذ الغـرق=تشفي رضيع(ن) بالمرض صار غرقي

شعر / سعد العتيبي

الله يشفي مريضك يا اخ سعد العتيبي

وصح لسانك وعليك بالصبر

ولاهنت ياضلع سنجار

سعدالعتيبي هوضلع سنجار
واطلب من الذي له الصلاحيه
تعديل المعرف ودمتم بخير

صح لسانك

شاعر مبدع

صح لسانك ياضلع سنجار

الله يعطيك العافية

تحياتي

الاخ ابو عبدالاله المرشدي لك كل احترامي
وتقبل الله دعائك وصح بدنك ودمت بخير

الاخ معجب العتيبي صح بدنك
واااااشكرك على الاطراء الجميل