وجدي على صاحبي :

..




بديت بإسم الولي جزل العطايا من عطاياه=خطٍ مايبدا بإسم خلاقنا مايبتدابه

وحده ولا إله شريك اللي نعبده صبح وعشاه=وإن عيش في رحمته وإن خاف من زفرة عذابه

حوضٍ تجيه العرب قطنان وردانٍ على ماه=إليا وردناه نشرب صافيه عذبٍ شرابه

وأصل الفتى لا نطق بالقول بين الناس يحماه=وقدام نطقه لزوم يثمنه يحسب حسابه

وأنا بنيته وساس البيت عزه ساس مبناه=ماهو ببيتٍ ليا ذعذع هوى الغربي غدابه

وجدي على صاحبي : وجد اليتيم اللي من بكاه=شابت رموشه من دموعه قبل زهرة شبابه

ووجدي على صاحبي : وجد السجين اللي بعد جاه=زاير يعزيه فأغلا رفقته وأغلا صحابه

ووجدي على صاحبي : وجد الفقير اللي تبلاه=وقته وجاير زمانه ذبحت إبنه فالقرابه

وحيده اللي يبى منه الحياء من يوم رباه=ثور سلاحه وصابت رأس جاره عند بابه

جاره (توفى) قدم عينه وصكوا حوله أبناه=واللي ذبح ولده اللي يحرصه من يوم جابه

ومن البلا قام يصفق كفه اليمنى بيساره=ويون ونة مريضٍ سقمه المطول صطابه

هذاه وجدي على اللي يوم قفى يحسب أخطاه=وقفت حاير كما من حار فيه أهل الطبابه

روح وأنا مالقيت العافيه من عقب فرقاه=ماصبر القلب عقبه غير ذكره في غيابه

أبكي حسايف واصيح صياح وبالٍ لعفراه=وأكظم سوات الاسير اللي فقد عرش المهابه

وأعيش معزول عن ذولا وذاك وعن هذولاه=ياعيشة الحر ياللي عشت مثلي في كآبه

يامل نفسٍ طواها الحب طي البير ورشاه=على وليفٍ رحل عني وقفتبه ركابه

اسمه رديف الثريا وإن بدت جددت ذكراه=والأسم من ماضي الأيام كلٍ يقتدابه

وألا التهايا لو أذكرها واوصف في تهاياه=يشيب شعري ووصفي ماوفيته فالكتابه

خل الشواعير تاصف وصفها اللي ماحسبناه=دام القمر لانتثر نوره ماغطته السحابه

((يامل نفسٍ طواها الحب طي البير ورشاه))=بالله جر اللحن بالله ياراع الربابه

أربه أليا سمعها صاحبي يرجع من أقصاه=ويجدد اللي مضى ويطش عن وجهه حجابه

ناصر الجلاه
صح الله لسانك وعز شانك













تحيتي .........

..

سطام روق

..

صح بدنكـ حضوركـ كريـــــم


لاهنت :)


..

ناصر صح الله السانك ونا متابع لك من اليوم ورايح لاتحرمنا ودمت
اخوك السيل الحافي

ناصر الجلاه


انت راقي


صح فكرك ونبضك


متابع

...

صح لساااااااااااانكـ


أسعدتنــا بجــديدك العذب والجميل


صح نبضك .. حرفك


متـــابعتي وانتظاري لــ نصوصك ...

..

السيل الحافي

..

صح بدنك يالحافي .. ولي الشرف طال عمركـ

لاهنت

..