سلام يأهل الجود من نسل الأحرار ........
احمد حامد الزايدي09-Jan-2009, 09:13 PM
سلام يأهل الجود من نسل الأحرار=عداد ماهبت هبوب الذواري
واللي يشب النار يستاهل النار=نويت أسر الليل والليل ساري
ناهض الشيباني10-Jan-2009, 12:56 PM
يامرحبابك عد ما طايرن طار = واعداد تغريدٍ سجعبه قماري
اللي يشب النار حشمة ومقدار = يستاهل التقدير واقف وجاري
احمد حامد الزايدي10-Jan-2009, 01:34 PM
دام الـبـقـا وأنته من أيات الأقطار=وأنا أعرف أنك رجل دارس وقاري
واللي يشب النار معروف سحار=يـشـب نـاره كـل حـزة طـواري
ناهض الشيباني10-Jan-2009, 01:42 PM
انا كما مجنون فيمين ويسار = امشي على كيفي وحسب اختياري
حذرك تشاوتك الطواري وتحتار = تدله وتحسب نارك اليوم ناري
احمد حامد الزايدي10-Jan-2009, 01:59 PM
الله يعافيك أنت يارجل وش صار=أشغلت لي فكري وزاد أحتياري
ماحتار أنا وابشربي ابحزت الشار=معروف أنا والناس تعلن وقاري
ناهض الشيباني10-Jan-2009, 02:11 PM
الدلة اليا صار فنجالها حار = لياك يبرد في سبيل الهذاري
ماكل من صاب الهدف زين معيار = اهناك سلعة جات من غير شاري
احمد حامد الزايدي10-Jan-2009, 02:38 PM
ماني بطالبك انت يارجل معذار=أنا نويت أخبرك واعرفك داري
أشعيل شال الحمل في كل الأقطار=دربه يدله مع وساع البراري
حاكم الغنامي10-Jan-2009, 02:47 PM
صحت السنتكم
اعجبتني والله هالمحاوره
واصلوا يالغالين
ومبدعين ثنينكم
احمد حامد الزايدي10-Jan-2009, 03:01 PM
حاكم الغنامي
شرفتنا بحضورك يالغالي
ناهض الشيباني11-Jan-2009, 12:45 AM
حاكم الغنامي
بيض الله وجهك على التواجد
ابن الشاكرين استلم لاهنت
ماطلبك دولارٍ ولا طلبك دينار = إلك اعتبار وعارف انا اعتباري
اشعيل بخطامه اجرَه وماسار = شكله على الترحال ماهوب ضاري
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
