يالله في نوً من الوسم رعاد .... تحيا ربوع المملكه عقب نوّه

يا الله في نوٍّ مـن الوسـم رعّـاد=تحيّا ربوع المملكـه عقـب نـوّه

يحيّي الفيافي .. عقب محصولها باد=العُود يابس .. والتـراب متشـوّه

لو ان مالي بوش من ضمن الاذواد=لكنّ لي مـع سجّـة البَـر خـوّه

ولاني بفلاح ٍ .. ولي بيـر وبـلاد=وليـا تـردى الجَـمّ تبغـا عبـوّه

لكنّ صبري طال يا شيـن مقعـاد=بَرَك علينا القيظ .. والوسـم تـوّه

والوقت بوّهني وانا بهّت يا زيـاد=وأشوف شيٍّ فـي زمانـي يبـوّه

اللاش فاد .. وطيّب الراس ما فاد=يجمـع ومخلِيـةٍ يديـه الـمـروّه

يندّ وجهه كل مـا جَـوه الاجـواد=أمّـا حَيـا .. ولاّ تسُوقـه حمـوّه

وغدا معَ الايام في حرب وجهـاد=ولا معْه في بعض المسايل جـروّه

وأزرى يوفّي حق نفسـه والاولاد=وحقـوق نـاس ٍ تلحقـه بالعنـوّه

يذكر ويَـدرى سالفـة كـل نقـاد=يخـاف مـن شمّـات والاّ معَـوّه

والاّ الردي يسبح على كبده الـزاد=وفي باقي الاحـوال مالـه طـروّه

لاهوب لا ناشـد ولا عنـه نشـاد=ودايم يلـوّذ عـن وجيـه السمـوّه

ماله هو اللي حَط له جـاه وشـداد=وعند المشفّح في الدرجْـة العلـوّه

وان زارهم تفرش له الأرض سجّاد=وهوّه من أوّل ما ضرى بالحفـوّه

ومن لا يحط المال في بـنّ وقنـاد=ويشـبّ دايـم للمناعيـر ضــوّه

وييسر على المعسر ويبني للامجاد=وينفع صديقـه قبـل ينفـع عـدوّه

هذاك قل له جعـل مالـه للأنفـاد=وعليه دعوه من عصـور النبـوّه

قلته وانا للـرزق مانـي بحسّـاد=ولا تُوخذ الأرزاق من بـاب قـوّه


للشاعر / مقحم بن دحيم الغنامي

والوقت بوّهني وانا بهّت يا زيـاد
وأشوف شيٍّ فـي زمانـي يبـوّه


الله يبيض وجهك على القصيدة الرائعة

صح لسان شاعرها

ولا يهون ناقلها ..

ولد المزاحمه عافاك الله

عبدالله الدغيلبي

عافاك الله والله يحيك وانت طيب

يا سلااام يا سلاااام

صح الله لسااانه .. والله يعافيك يالغنامي ..

تحيتي لك
...

وانت رجال طيب يامحمد وكفو

يذكر ويَـدرى سالفـة كـل نقـاد
يخـاف مـن شمّـات والاّ معَـوّه




الادغنام بيض الله وجهك على النقل يالطيب


وصح لسان الشاعر مقحم الغنامي


لك تحياتي وتقديري

عافاك الله يالاصعر انت طيب

انت طيبب وشكرا

قصيده اكثر من رائعه صح لسانك

مرحبا الاد غنام صح الله لسانه و لسانك تقبل مروري

والوقت بوّهني وانا بهّت يا زيـاد
وأشوف شيٍّ فـي زمانـي يبـوّه

الله يعطيك الف عافية وشكرا على هذه القصيدة الجميلة