تفضل ياعقاب لاهنت....؟

ياعقاب ياكثر المشاكل ولانشاب = ويا كثر ما يجري على الناس جاري
أهل البلد وسط البلد صارو اغراب = غصباً بليا طيب غير اختياري

هلا ومرحبا المعذره عن التأخير طلعت ولاانتبهت لطاروقك بنزل بيوتي ونكمل غدا ً ان حيينا لقرب صلاة
القيام


للخير طلاب ٍ وللشر طلاب = وين الرساله يالقرار الوزاري !!
إل كل حاجه يالقريشي لها اسباب = وانته عن الاوضاع منته بداري

القمه الي بين ذا الضرس وناب = تلقاء خبرها في صحيح البخاري
خمسين عامن بين خاين ونصاب = مابين سوامن وبايع وشاري

ودك تشب النار وتثور الاحزاب = ولاّ انا بالشر ماشب ناري

ماقول لك صادق ولا اقول كذاب = للاهل الردى والطيب تلقى مواري

باشب ناري وانت لنار شباب = والحق بيين ماذرته الذواري
حذف الحصا ياعقاب في وجه دباب =ومال الحزم فالامر ياعقاب طاري

القريشي

عقاب العنزى


صحت الالسن

مبدعين

لاهنتو علي هالطاروق


تحياتي

الله الله الله أبداع في أبداع صحت الالسن القلووووووووووووووب

محمد صالح العطاوي صح بدنك
الله لا يهينك
وبيض اللهوجهك

لاهنت ياحووووت
كلك ذوووووووووووق
الله يعطيك العافيه

عبدالله اللي ينتخي فعل الاصحاب = يبغى يضد الطايره بالشباري !

روس العرب امست يابو عابد اذناب = كثّر من المندي ورز البخاري

محمد العطاوي . الحوت


لاهنتو وصحة ابدانكم

ياعقاب نوم العين ياعقاب مطاب = شوف الارامل يذرفن العباري
والمعتدي للارض والعرض غصاب =والصمت همن يجعل الحال باري