اقرب شاعر . . . .

نمسي بالخير على الجميع

واللي يبي اللعب يا مرحبابه



بعد مالله جمعنا واجتمعنا بمنتدى الشعار = نسلم بالسلام اللي جميع الناس ترضابه
مع الخط الطويل لياسرينا وابتدا المشوار = لزوم ٍ كل شاعر يالنشاما يحسب حسابه

ارحب ارحب يا ابن الجزيره


و صح لساانك و لساان قبيلك


متااابع

والبقا والبقا

يالشهراني

ومرورك نور الصفحه يالقرم

تحياتي

جمعك الله بنا والحمد لله مانبا نحتار=هلا يامرحبا باللي لفا والفين ترحابه

مع الخط الطويل نسير دايم حزت الأسفار=وراع الطيب محدٍ جاحده معروف كسابه

يا مرحبا ترحيبتن كما سلامك بالمعيار
تعجبك ويطربلها الطيب ويرفلها باشنابه
قد الطياره تراك القايد والفايد والطيار
اهرج ونهرج وخل السيف مغمود بجرابه

الا يانعم ذيب النفيعي وافي الاشبار = عسى فيك البقا ياللي ترد الخط بكتابه
الا ياذيب لا منّـا بدعنا الفكر الافكار = عساك تصير ذيب ٍ يفرس الصيدات في نابه

انا متابع لكم واصلوا

مرحبا بك يابندر

واشكر متابعتك

ويا مرحبا بذيب النفيعي

شاعر جزل

وحنا بانتظاره

نعم بالنشمي اللي ينعرف دايم من الأخيار=كلامه يعجب اللي يسمعه ويحقق أعجابه

دام أن نابي ومخلابي يصيد وقدمه الأخطار =اباافرس صيدتي لن صدتها في داخل الغابه

ابن الجزيره و الذيب النفيعي



صحت السنتكم جميعا

ترى للمجد كل ٍ ياعميلي ركز الانظار = وترى فعلي مثل قولي وفعل الطيب نزهابه
انا اشوف السفينه ابتلش بشراعها البحار = واظن ان السفينه فالبحر قبطانها ادرابه

الشهراني

صح بدنك

ذيب النفيعي

شاعر جزل

واشكر ردك عليّ

وانا استاذنك والخاتمه عندك

والى لقاءات قادمه باذن الله

والشكر موصول لكل من شرفنا بمروره

ودمتم . . . .

أبن الجزيرة


صح السانك يالقرم ، وانت والله الجزل ولا شكر على واجب ،وتصبح على خير