من عين الشاعر اللي كل غبه يغوص

من عين الشاعر اللي كل غبه يغوص=بعض الآوادم تشب النار من نارها


اليا حضرنا المواقف ما تعدا اللصوص=والطايره ما تطير إلا بطيارها

لي الشرف يوم العب مع شاعر بحجمك يابراهيم
واصلك الرد

الله يشرف مقدارك

وبنتظارك

ياشاعرن ماتنقا غير زين النصوص = تفهم صغار العلوم وتفهم كبارها
انا وصلتك وعن درب السنع لاتحوص = هات السوالف ولاتطلع عن اخيارها

مشاء الله المحاوره مبداها كايف استمرو وممتابع
بيض الله وجيهكم

ووجهك ابيض يالاصمعي نورت

بعض الاوادم يدس الراس مثل القلوص=لكن حنا صقور الدار وحرارها


الصيد ما دوره غير الرجال القنوص=والرجل يعرف هدف بندقه وعيارها

طيب طيب طيب


صحت السنتكم

متاابع

و وجهك ابيض يا الاصمعي

ويشرفنا متابعتك

هلا وغلا أخوي حاكم

يشرفنا متابعتك يا الغالي

هالله هالله


ياصاحبي خذ كلام(ن) عام مابه خصوص = سود الليالي تراها واجد اخطارها
حنا على اللي يزود انزود مامن نقوص = واهل المواجيب ماننقص لمقدارها

هلا ياحاكم صح بدنك متابعتك تهمنا واصل

الصيـد مـا دوره غيـر الرجـال القنـوص!!!

توضيف يحسب عليك؟

عموما صح السنكم وابدانكم

وانا في صفكم :)

اللي لخصكم بعينه لو ما هو لخوص=اظن بعض الاوادم يعمي ابصارها


ان كان حصتك ما هي من كبار الحصوص=اذهن جمال الرحل تطحنك بزوارها

الصيـد مـا دوره غيـر الرجـال القنـوص!!!

توضيف يحسب عليك؟

عموما صح السنكم وابدانكم

وانا في صفكم :)



ليه مالعبت يا ورقان وحسبته علي

لو اني من اللي يحب يوضحون معنها

وضحتها لك على شان تدري انك غادي

طيب تراني في صفك وانا غادي

ههههههههه

الصف يزهابك يا ورقان

ههههههههه

ياللي نظرك ان بدالك شي يبقى شخوص = ورقان بين لك الغلطه بمنظارها
وراك ياصاحبي جبت الكلام مخبوص = احداك يم اليمين ورحت ليسارها

حياك ياورقان شرفت واقصر الشر ههههههه سعداء بطلتك

اعرف طيور الهوى واعرف طيور القفوص=واعرف جميع السلع فالسوق واسعارها


يا صاحبي لا تضيع فالخرز والفصوص=ما يطلع اللولؤ الا بطن محارها

اعرف طيور الهوى واعرف طيور القفوص=واعرف جميع السلع فالسوق واسعارها


يا صاحبي لا تضيع فالخرز والفصوص=ما يطلع اللولؤ الا بطن محارها

الماء يزيد الحجر قوه بعكس الجصوص = اللي لاجاها المطر حتت من اجدارها
راجع حسابك وانا خابرك رجل (ن) بخوص = لاتجعل الناس صوبك تلفت انظارها

الله الله


محاوره رائعه


صحت السنتكم ياشعار

صح بدنك يالغالي نورتنا

لا تحسبنك غفصت القوم وانت مغفوص=والمعركه من قعيدتها و سبارها


منته مخلص ديون ولاش منها خلوص=مادام جاتك علومٍ منت بيطارها

اذهن لرجلك لاتقرب حول صل (ن) قروص = وتحط في حفرة (ن) مامات حفارها
كنت احسب انك بطل واثرك رجل(ن)ملوص = بدل بعيشتك هذي عيشة (ن) غارها

ترى بليس العور يطرب لرقص الرقوص=والداب مات وبليس ادياركم زارها


انت تحملت حملٍٍ بينته الفحوص=لكن شاور رجالاً ينفعك شارها

مادام فيك انحراف وضاري (ن) بالرصوص = بنرصك الرصه اللي تشكي اضرارها
كنت احسب انك فرخ شيهان واثرك صوص = يابلشت الناس بالعاره وعيارها

العرن مايفرصه ياكود فرص الفروص=ما ثبت اللوحه الا راس مسمارها


من يوم راحت علوم ارباع مدري نصوص=لا عاد تنطح رجالاً طالت اشبارها

مادام لوحتك مخروقه وعشتك خوص = الله يخلف على بدلتك وزرارها
كنت احسب انك على جزل المعاني حروص = واثرك حطاب ليل وخاب مشوارها

القاف شاب يابو خليل بيض الله وجهك واستر ماواجهت
سعدت وحمستني بلقاءك
اخوك

لا تحسب ان السوالف مثل خرص الخروص=لا تنظرون العلوم بغير منظارها


اليا حضرنا المعارك خصمنا ما يفوص=حنا حكمنا القوافي دون معذارها

وجهك ابيض وما واجهت الا الطيب

تشرفت باللعب معك يا الغالي

ماشاء الله وصح السنتكم يالشعار بس مالقينا من يواصل الطوايق

وكل طاروق نجي يمه نبا الونس نلقاه توقف

عموما لاهنتوا على هالجزالة

ابشر بالعوض يابرق الحيا
اهم شي انك شرفتنا

ابشر بالعوض يابرق الحيا
اهم شي انك شرفتنا


لاهنت وهي الحروة منك يالذيب